گادتب: «هر بیر تورکون دوغدوغو یئردن سونرا ایکینجی وطنی ساییلان تورکیه چتین و آجی گونلرینی یاشاییر. تورکیهنین آجیسی بیزیمده آجیمیزدیر.
بو وضعیتده تورکیهنین یانیندا دورماق بیزیم میللی و انسانی وظیفهمیزدیر.
اؤز آدیما ایندییه قدر هر تورلو یاردیملارینی اسیرگهمهین میللتیمیزه میننتدارلیغیمی بیلدیریرم آنجاق بورادا هله سیزین یاردیملارینیزا احتیاج وار.
بیلیرم کی، هامیمیزین اقتصادی وضعیتیمیز یاخشی دئییل و فرقلی پروبلملریمیز وار آنجاق بیز هر زامان گؤسترمیشیک کی، چتین گونلرده ال-اله وئرهرک بیر دولتین گؤره بیلمهدیگی ایشلری گؤره بیلمیشیک.
حؤرمتلی وطنداشلار گؤندردیگینیز یاردیملاری، تورکیهنین تبریز، اورمو و تهرانداکی کنسولگریلری واسطهسیله بورایا گؤندره بیلرسیز.
یاشاسین آذربایجان
یاشاسین تورکیه»