ادتاج اتحادیه دمکراتیک ترک آذربایجان جنوبی
گادتب: بالکانلار و سایر بؤلگه‌لردن عصرلر اؤنجه تورکلرين حيمايه‌سينه سيغينان ائرمنيلر سونراکي يوزيلليکلرده نانکؤرلوک ائده‌رک، همين دؤورده ايسلام و تورک دونياسينين تمثيلچيسي ساييلان عثمانليني محو ائتمگي قرارا آلان غرب دونياسي و روسييانين الينده تورکلره قارشي آلته چئوريلميشدير. غرب دونياسي و روسيانين تحريکي ايله تورکون قانينا سوساميش ائرمنيلر حيمايه‌سينده ياشاديغي عثمانلييا خيانت ائتميش و عثمانلييا هجوما کئچميش غرب دؤولتلري و روسيانين قارشيسيندا آرخادان اؤلدوروجو ضربه‌لر ائنديرميشدير. بونون نتيجه‌سينده يوزمينلرله تورک شهيد ائديلميشدير.
اوسته ليک ائرمنيلر غرب دؤولتلري و روسيانين حيمايه‌سي و سيلاحلانديرماسي ايله تاريخي آذربايجان اراضيلرينده يوز مينلرله آذربايجان تورکونو سويقيريما معروض قويدولار.
عثمانلي دؤولتي جبهه بؤلگه‌سي اراضيلرينده ياشايان و تجاوزکار دوشمنه ساتيلاراق، تورکلره خيانت ائدن ائرمنيلري داها تهلوکه‌سيز بؤلگه‌لره کؤچورمه‌يه قرار قبول ائتدي. بو هم ائرمنيلري محاريبه ده تلف اولماقدان قوروماق، هم ده اونلارين خيانتي نتيجه‌سينده تورک اوردوسونون يئنيلمه‌سينين قارشيسيني آلماق مقصدي داشيييردي. لاکين عثمانليني محو ائتمه یي قارشييا مقصد قويان غرب دونياسي و روسيايا بو مسئله صرف ائتمه‌ديگي اونلار ال آلتيلارينا چئويرديکلري ائرمنيلرين عثمانلي طرفيندن قتل عام ائديلديگيني تبليغ ائتمه‌يه باشلاديلار. ماراقليدير کي، هله 1915-جي ايلده ائرمنيلرين کؤچورولمه پلاني ايجرا ائديلمه‌ميشدن آيلار اؤنجه بو يالان ايدعا ايله ائرمنيلرين قتل عام ائديلمه‌سي تبليغ ائديلمه‌يه باشلانميشدير.
صيرف ائرمنيلرين يالان ائرمني سويقيريمينين هئچ واخت تؤره‌ديلمه‌ديگي اوچون بو گون ائرمنيلر و غربله روسيا تورکيه‌نين آرخيولري آچيب بي طرف تدقيقاتچيلارين سويقيريم مسئله سيني تدقيق ائتمه‌لري و نتيجه‌نين هر طرف اوچون قبول ائديلمه‌لي اولدوغونا داير چاغيريشيني جاوابسيز قويورلار. چونکي، اؤزلري ده ياخشي بيليرلر کي، رئالليقدا تورکلر يوخ، ائرمنيلر تورکلره قارشي سويقيريم تؤره‌ديب.
بو آرادا ايسه اؤزونو مسلمانلارين حيمايه داري کيمي قلمه وئرن عيرقچي و رياکار فارس رئژيمي يوز مينلرله مسلمان تورکو سويقيريما معروض قويان ائرمنيلري مسلمان دونياسينين تمثيلچيسي اولموش عثمانلييا قارشي حيمايه ائديب، 24 آپرئلده اورميا، سالماس، خوي، خوجالي و آذربايجانين ديگر بؤلگه‌لرينده يوزمينلرله مسلمان شيعه نين قاتيلي ائرمنيلره مسلمان تورکلره قارشي اعتيراض ميتينگي کئچيرمه‌يه اجازه وئريب، اونلاري تشکيلاتلانديرير.
گونئي آذربايجان دئموکراتيک تورک بيرليگي (گادتب) آذربايجان تورک ميللتينه سسلنه‌رک، ائرمني يالانلاريني ايفشا ائتمکده، ائله جه ده تورک دوشماني ايکي اوزلو عيرقچي فارس رئژيمين آنتي تورک پلانلاريني ضررسيزلشديرمکده هر زامانکي کيمي فعال و اوياق اولاماغا چاغيرير. اينانيريق کي، سيزين فعالليغينيزلا دوشمنلرين تورک ميلتينه قارشي اويودورمالاری افشاء و پلانلاري ایفلاسا اوغراياجاق.
اژدر تاغيزاده
گونئي آذربايجان دئموکراتيک تورک بيرليگي (گادتب) باشقاني
