ادتاج اتحادیه دمکراتیک ترک آذربایجان جنوبی
گادتب: قارا یانووارین ایلدونومو روس ایشغالچیلیغینا اعتیراض گونودور (روس ایشغالچی سیاستی و قارا یانووار)
حورمتلی آذربایجان میللتی
۲۰۰ ایلدیر کی روسلار بیر زه لی کیمی بوتوو آذربایجان میللتی نین جانینا دوشوب، اؤز ایشغالچی و دوشمنچیلیک سیاستلریندن ال گؤتورمورلر. بو کئچه ن ایکی یوز ایلده میللتیمیزین باشینا گه لن بلالارین سبب کاریدیرلار. آذربایجانیمیزین ایکی یه بولونمه سی، آذربایجان دئموکراتیک جمهورییتی نین یوخ ائدیلمه سی ، آذربایجان اراضی سینده قوندارما ائرمنیستانین یارادیلماسی، گونئی آذربایجاندا میللی حؤکومته آرخادان خنجر وورولماسی، ۳۷ و ۶۰-نجی ایللرین رئپرئسییالاری، سیبر سورگون و دوشرگه لری و نهایت قوزئی آذریایجانین مستقیللی یی نی قبول ائتمیه ره ک اینسانلاریمیزی تانکلارین آلتیندا ازمه لری، سونگولرله اؤلدورمه لری، ۳۰ ایل ائرمنی اورتوسو آلتیندا وطنین یوزده ۲۵-ی ایشغال آلتیندا ساخلایان مسکووا جانیلری، هنوزکی هنوزدور میللتیمیزه و وطنیمیزه قارشی بو ایشغالچی و دوشمنچیلیک سیاستینی سوردورمکده دیر. بونون آچیق نمونه سی ۴۴ گونلوک وطن موحاریبه سینده میللتیمیزین او بیری دوشمنی اولان تئهران رئژیمی ایله بیرگه ائرمنیلره سورسات و ساواش وسایطی گونده رمکله قالماییب، ساواشین سون مرحله سینده ده آذربایجان دوولتینه آچیق تزییق و باسقیلارلا آذربایجاندا روس وارلیغینی قارانتی ائتمک اوچون موقاویله ایمضالاماغا مجبور ائتدی. قاراباغ مسأله سی نین بیر دفعه لیک حلینه مانع اولدو. سوزده صولح مراملی۱۰ مین روس سالداتینی قاراباغا یئرلشدیردی. میللتیمیزه قارشی کئچه ن بو ایکی یوز ایلده بوتون بو جینایتلری ائده ن و ۲۰ یانوواردا اینسانلاریمیزی تانکلار آلتیندا ازه نلر، ۴۴ گونلوک ساواشدا روس سیلاحلاری ایله ایگیت لریمیزی قتله یئتیریب، اللری میللتیمیزین قانینا به لشمیش بو قاتیل روسلار نئجه صولح مراملی اولاً بیلیرلر. اونلار ایشغالچی جینایکار روس اوردولاریدیر.
بیز ایستیقلالچیلار بیرلی یی اولاراق بوتو آذربایجانیمیزین میللی منافعی آچیسیندان چیخیش ائده ره ک، ۵۰ میلیونلوق آذربایجان میللتینه اوز توتوب دئییریک کی، بو ایل قاباقکی ایللردن فرقلی اولاراق قارا یانووارین ایلدونومونده شهیدلریمیزی یاد ائتمکله یاناشی، اونلارین قاتیللری اولان روسلارا قارشی اعتیراض گونونه چئویرمه لی ییک. ساواشدا اولدوغو کیمی، هامی بیر یوموروق کیمی آیاغا قالخاراق شعار و پلاکاتلارلا روس ایشغالچی سیاستینه اعتیراضیمیزی بیلدیرمه لی ییک ، بیز اولکه میزده بیر تک روس سالداتی نین دا اولماسینی ایسته میریک، دئمه لی ییک، بوتون دونیا ایجتماعیتینه ده بونو گوسترمه لی ییک. گونئی آذربایجاندا سسله نن «روس، فارس، ائرمنی، آذربایجان دوشمنی» بوتوو آذربایجان اوچون کئچه رلیدیر. بلی دوشمنله دوشمن کیمی رفتار ائدیلمه لیدیر. اونلارین اؤزوموزده ن اولان قوللوقچولارینی بوشقاب دیبی یالایانلارینی تانینمالی ییق، بوتوو دولت دایره لریندن قوومالی ییق، اونلارلا کولابراتور کیمی حرکت ائدیلمه لیدیر. بیر تک روس سالداتی اؤلکه میزده قالدیغی مدتجه خلیل ریضانین سؤزو ایله دئسک دوام ائدیر ۳۷ .
یاشاسین میللتیمیزین ایشغالچی فارس، روس و ائرمنیه قارشی اورتاق موباریزه سی!!
عشق اولسون وطنین آزادلیغی و مستقیللی یی اوغروندا جانلارینی قوربان وئره ن بوتون شهیدلریمیزه و اونلارین عائله لرینه!
