ادتاج اتحادیه دمکراتیک ترک آذربایجان جنوبی
گادتب: آذربایجانین مظفر اوردوسونون قاراباغ فتحی سونو قافقازدا غالیب گوج کیمی کنترولا مالیک اولان آذربایجان، ایرانین الینی قافقازلار‌دان کسره ک ایرانین اشغالچی فارس رئژیمی‌نین قاچاق یولارینی باغلاییب و ایرانین اشغالچی فارس رئژیمینه آغیر ضربه وورموش‌دور.
ایران آدلانان اؤلکه بو یئنیلگینی هضم ائدمه‌ییب هر فرصتده آزربایجانین علئیهینه کیرلی فیتنه کارلیق‌لار تؤره دیب و تؤرتمکده‌دیر.
ایران، روسیا و آوروپا اؤلکه‌لری‌نین ائرمنیستانی شرط‌سیز حمایه‌لرینه رغماً آزربایجانین کسکین غلبه‌سی بؤلگه‌ده بؤیوک ده ییشمه‌لرین سیگنالینی وئرمکده‌دیر.
بوتون آنالیزلره گؤره بو ده ییشیم‌لر قاچینیلمازدیر و بو دؤورده آزربایجانین داها دا گوجلنمه‌سینی و بؤلگه‌ده هئگئمون دؤولته چئوریله جه یینی گؤسترمکده‌دیر.
ایران آدلانان یئرین استراتئژیست‌لری بو پروسئسین دوردورلماسینین مومکون اولمادیغی قناعتینده و ایران اشغالچی فارس رئژیمینه بو ده ییشیمین گونئی آذربایجان‌دان باشلایاجاغینی دؤنه-دؤنه خبردارلیق ائدرکن ایرانین اشغالچی فارس رئژیمینه بو پروسئسی یاواشیدیب و گئجیکدیرمه‌سی اوچون شیعه فاکتورونون اهمیتینی جدی فورمادا وورغولاییب و سون سلاح کیمی کولانماقدا‌دیر.
بو سبب‌دن آذربایجاندا حسین‌چی، مهدی‌چی شیعه اؤرتوگو آلتیندا ایرانا خیدمت ائدن تئررور قروپلارینی آکتیولشدیره‌رک آذربایجان دؤولئتینه مانعه‌لر یارتماقلا یاناشی آنتی-تورکیه زهنیتی یایماغا قالخیشیب و حتی ایرانا باغلی تئررور قروپلارینین بویوک بیریتانیانین باشکندی لوندرادا آذربایجان ائلچیلیگینه سالدیرماسی و بایراغیمیزا تحقیرده بیرباشا ایرانین اشغالچی فارس رئژیمی‌نین شیعه کوللانیمی‌دیر.
عینی زاماندا ایرانین اشغالچی فارس رئژیمین ان چوخ قورخدوغو و کابوسو اولان گونئی آذربایجان میللی حرکاتینی کنترولا آلماق اوچون پاسدار و بسیجلرین مسجیدلره دولدوروب شیعه ی آذربایجان آدی آلتیندا شعارلار سسلندیره‌رک بعضی ساده لوح آذربایجانلیلاری آلدادیب و شیعه ی آذربایجان شعارینی آذربایجان تورکونون یئرینه اورتورتماغا چالیشیر کی، حرکتین رهبرلیگینی ایستیقلالچی‌لاردان آلیب اؤز یانداش‌لاری آنتی-تورک قؤوه‌لری گوجلندیریب حرکتی اله کئچیرمه‌یه چاسلیشیر و البته کی، بو ایستیقامتده داها اول‌لردن حرکته یئرلشدیردیگی پاسدارلاردان دا ایستیفاده ائده‌رک لشکری عاشورایا سئمپاتیا یاراتماغا چالیشماقدا‌دیر. همین لشکری عاشورا کی، 30 ایل آزربایجانین شیعه موسلمان‌لارینا دیوان توتان ائرمنی‌لرله چیگین-چیگینه آذربایجان جمهوریتی دؤولتینه آمان‌سیزجاسینا سالدیریب دئویرمه‌یه چالیشدی. ایندی بیردن آذربایجان شیعه‌سی اولوب آذربایجانلیلاری آلداتماغا چالیشماقدا‌دیرلار.
البته بؤیوک ذکایا صاحب اولان آذربایجان تورکو بو فیتنه کارلیغی سئزیب و او اوزدن ده ایرانین اشغالچی فارس رئژیمی‌نین اویون‌لارینی پوچا چیخاریب و دین-مذهب آیریمی یاپما‌دان ایرانین اشغالچی فارس رئژیمینه قارشه ایستیقلال موجادیله‌سینی داها دا گوج‌لو سوردوره‌رک بوتؤو آذربایجان و تورک بیرلییینه دوغرو قرارلی آددیملاماقدا‌دیر.
گونئی آذربایجان ایستیقلالچی‌لار بیرلیگی ایرانین ایشغال‌چی فارس رئژیمی‌نین آنتی-تورک، آنتی-آذربایجان سیاستینی محکوم ائدیب، آذربایجان میللتینی بیرلیک و برابرلییه چاغیریب، میللتینیزین دینی ده یرلریندن ایرانین ایشغال‌چی فارس رئژیمی‌نین سیاسی ایستیفادسینه مساعده ائتمه‌ییب و امام حسین کؤینه یی آلتیندا گیزلنن فارس فاشیزمی‌نین حیله‌لرینه آلدانماییب داها سرعتله ایستیقلالیت مجادیله‌سینه ایلرلمه‌یه چاغیریر.
یاشاسین موستقیل گونئی آذربایجان
رد اولسون ایشغال‌چی ایران فارس رئژیمی
گونئی آذربایجان ایستیقلالچی‌لار بیرلیگی (گایب)
