ادتاج اتحادیه دمکراتیک ترک آذربایجان جنوبی
گادتب: آرتیق بوتون دونیا میللت‌لری 21 فئورا‌لی بئین الخالق آنا دیلی گونو کیمی قئید ائدیر. بو گونون آنا دیلی گونو کیمی اعلانی 1952-جی ایل فئورالین 21-ده بنگلادئشین بنگال شهرینده اؤز آنا دیلی‌نین رسمی دیل اولماسی اوغروندا مباریزه آپاران 4 اؤیرنجی‌نین اؤلدورولمه‌سی حادثه‌سی ایله باغلی‌دیر. 1999-جو ایلین نویابریندا بیرلشمیش میللت‌لر تشکیلاتی بنگلادئش سفیری‌نین تشببوثو ایله فئورالین 21-نی بئین الخالق آنا دیلی گونو اعلان ائدیب.
بو گون گونئی آذربایجاندا آذربایجان تورک میللتی ده فاشیست ایران رئژیمی‌نین ایرقچی سیاستی نتیجه‌سینده آنا دیلینده تحصیل حقوقون‌دان محروم ائدیلیب. بیر عصره یاخین فارس موستملکه‌چی‌لیگی نتیجه‌سینده آذربایجان تورک میللتی اؤز آنا دیلینده تحصیل و سوادان محروم اولوب. بو ایرقچی سیاست میللتیمیزین معنوی سویقیریمی و بیر میللت کیمی محوینه حسابلاندیغی اوچون بؤیوک فلاکت‌لرله نتیجه لنمیش‌دیر. آذربایجان تورک میللتی‌نین ادبی دیلی‌نین محوین‌دن علاوه، بو میللتین دیلینده علم، تئکنیکا، طب، صنایع و اونلارلا دیگر ساحه‌لری احاته ائدن میللی-معنوی و علمی-تئکنیکی پوتئنسیالینین فورمالاشماسینا مانع اولماقلا، همین پوتئنسیال محو ائدیلمیش‌دیر. بو ایسه یوز میلیاردلارلا کومپئنساسیا ائدیلمه‌ین بؤیوک بیر خسارت و اصلینده تصووره گلمز فلاکت دئمک‌دیر. بو جینایتی ایرقچی فارس رئژیمی تؤرتمیش و بو گون ده بو جینایته وار گوجو ایله داوام ائتمکده‌دیر.
عینی زاماندا نظره آلماق لازیم‌دیر کی، ایرقچی فارس رئژیم گونئی آذربایجاندا اؤز دیلی و وارلیغینی قوریوب ساخلاماغا چالیشان اونلارلا آذربایجان تورکونو شهید ائدیب، مین‌لرله آزربایجانلینی حبس و ایشگنجه‌لره معروض قویموش و قویماقدا‌دیر. لاکین تایی-برابری گؤرونمه میش بو ظلم آذربایجان تورک میللتی‌نین ایراده‌سینی سیندیرا بیلمه‌ییب. گونئی آذربایجاندا آذربایجان تورک میللتی‌نین ایگید اوغول و قیزلاری ان آغیر شرایطده دیرنیشه داوام ائدیب، آذربایجان تورک میللتی‌نین بوتون حقوقلاری، ان اساسی دا موستقیل‌لیگی‌نین برپا ائدیلمه‌سینه چالیشیرلار.
دیل اینسان حیاتیندا ان اؤنم‌لی یئره مالیک اولدوغو اوچون بئین الخالق حقوق، کونوئنسیا‌لار و اؤزل‌لیکله 1948-جی ایلده قبول ائدیلن اینسان حاقلاری کونوئنسیاسیندا واز کئچیلمز بیر حاق کیمی تثبیت ائدیلمیش‌دیر. لاکین گونئی آزربایجانین ایرقچی فارس رئژیمی طرفین‌دن ایشغا‌لی نتیجه‌سینده میللتیمیزین تکجه دیل حقوقو پوزولمور، بلکه بوتون حقوقلاری پوزولور، یئرالتی ثروتلری تالانیر، ائکولوگیاسی و تاریخی عابده‌لری محو ائدیلیر. آذربایجان تورک میللتی‌نین آرتیق تک یولو وار، او دا موستقیل‌لیک‌دیر.
گونئی آذربایجان دئموکراتیک تورک بیرلیگی (گادتب) آذربایجان تورک میللتی‌نین دیل حقوقو اوغروندا مباریزه‌سینی دستک له مکله یاناشی گونئی آذربایجاندا آذربایجان تورک میللتی‌نین قورتولوشونون اساس یولونون صیرف موستقیل‌لیک اولدوغونا بیر داها تأکید ائدیر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
