ادتاج اتحادیه دمکراتیک ترک آذربایجان جنوبی
گادتب: روسیانین اورکراینایا گؤزله نیلن حربی تجاوزو باشلادی. پوتینین بؤیوک روسیا بارهده سایاقلاییب، بئلاروسیا ایله بیرلیکده اوکراینایا حربی تجاوزو، اونون بؤلگهده بوتون رئسپوبلیکالاری ایشغال ائتمه نیتیندن خبر وئریر. پوتینین بو ایمپئریا سیاستی اونون گورجوستانا، اوکراینایا، قازاخیستانا قوشون یئریتمهسی ایله آرتیق ثبوتا یئتریلیب. سؤزسوز کی، روسیا اوکراینانی ایشغال ائتسه، بونو رئگیونون باشقا رئسپوبلیکالارینین دا اوزه رینده سینایاجاق. قازاخیستان و حتی آذربایجان دا بوندان سیغورتالانماییب. اونسوز دا یاریسی تورک تورپاغی اولان روسیا ایندی ده اوکراینانی ایشغال ائتمکله داها سونرا باشقا رئسپوبلیکالاری، او جملهدن تورک رئسپوبلیکالارینی ایشغال ائتمه یی پلانلاشدیریر.
روسیانین اهالیسی آزالدیغی، ایقتیصادیاتی چؤکدوگو اوچون باشقا رئسپوبلیکالاری ایشغال ائتمه حسابینا اؤزونو دونیانین سوپر گوجو کیمی ساخلاماغی پلانلاشدیریر.
غربین ایسه روس تهلوکهسینه هله اورتا عصرلردن گؤز یومماسی نتیجهسینده روسلار تورک تورپاقلارینی تدریجی ایشغال و آسیمیلیاسیا اوصولو ایله بو گون دونیادا بئله ایشغالچی و داغیدیجی ایمپئریا کیمی مئدانا گلمهسینه شرایط یاراتمیشدیر. ایندی ده غربین و ناتو-نون روسیانین داغیدیجی ایمپئریا سیاستی قارشیسیندا عاجیزلیک گؤسترمهسی دونیانی، خصوصیله رئگیونو بؤیوک تهلوکه قارشیسیندا قویماقدادیر.
گونئی آذربایجان دئموکراتیک تورک بیرلیگی (گادتب) روسیا و بئلاروسون بیرلیکده اوکراینایا حربی تجاوزونو پیسلهییب و ایشغالچیلارین درحال اوکراینا اراضیسیندن چیخماسینی طلب ائدیر. گادتب اوکراینا دؤولتی و خالقینین یانیندا اولدوغونو بیلدیریر و اینانیر کی، اوکراینا دؤولتی و خالقینین بو تجاوزدن اوزو آچیق چیخاجاق. روس ایشغالچی دؤولتینین چؤکدورولمهسینین تکجه یولو ایسه میللتلرین روس ایمپئریاسینا قارشی بیرلشمهسیندن کئچیر. بو ایستیقامتده ایسه اوکراینانین روس ایشغالینا قارشی دورماسی آرتیق پروسئسین باشلاندیغینی گؤستریر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
