ادتاج اتحادیه دمکراتیک ترک آذربایجان جنوبی
گادتب: آذربایجاندا 17 نویابرین میللی دیرچلیش گونو 1988-جی ایلین نویابر-دئکابر آیلاریندا باکیدا باشلایان میللی-آزادلیق حرکاتی ایله باغلی‌دیر.
سووت ایتیفاقینین قاراباغ مسئله‌سی اطرافیندا آپاردیغی آنتی‌آزربایجان سیاستی نتیجه‌سینده آذربایجاندا خالق حرکاتی داها دا گئنیشلندی. 1988-جی ایلین 17 نویابریندا باکینین اساس میدانی ساییلان “آزادلیق”دا آذربایجان خالقینین اوزون مودتلی میتینق‌لری باشلادی. میلیون‌لارلا اینسان میدانا توپلاشا‌راق موسکوانین آنتی-آذربایجان سیاستینه قارشی چیخماقلا آزربایجانین موستقیل‌لیگی و حتی بوتؤو آزربایجانین یارانماسی آرزولارینی دیله گتیردیلر.
1989-جو ایلین ایونوندا آذربایجان خالق جبهه‌سی تاسیس ائدیلدی. ائله همین ایلین سئنتیابریندا عالی سووئتین آزربایجانین سووئرئن‌لیگی حاقیندا کونستیتوسیا آکتینی قبول ائتمه‌سی موسکوانی داها دا قیجیقلاندیردی و 1990-جی ایلین 19-20 یانواریندا باکییا قوشون یئریدیلدی. میتینق ایشتیراکچی‌لارینا قارشی آغیر تئکنیکا و اودلو سلاح‌دان ایستیفاده ائدیلدی. یوزلرله آکسیا ایشتیراکچی‌لاری و دینج ساکین قتله یئتیریلدی. لاکین بونلار آذربایجان تورک میللتی‌نین آزادلیق ایسته یی و میللی غرورونو سیندیرا بیلمه‌دی. عکسینه، آزادلیق حرکاتینی داها دا سورعتلندیردی.
میلیون‌لارلا آذربایجان تورکو کئچن عصرین سون‌لاریندا باکیدا تبریز-تبریز شعارلاری ایله آزربایجانین موستقیل‌لیگینی برپا ائتدی‌لر. اونلارین آزادلیق مئیدانیندا تبریز-تبریز شعارلاری سانکی بو گون‌دن خبر وئریردی. همین ایللرین تبریز-تبریز شعارلاری آرتیق بو گون رئاللاشماقدا‌دیر. آرتیق بوتؤو آذربایجان گونون اساس موضوعسونا چئوریلیب. همین شعارلارین مژده چیسی اولدوغو بوتؤو میللت و بوتؤو آزربایجانین رئاللاشماسینا آز قالدیغی دویولماقدا‌دیر.
اژدر تاغی‌زاده
گونئی آذربایجان دئموکراتیک تورک بیرلیگی (گادتب) باشقانی
