گادتب: گونئی آزربایجانین خوی بؤلگهسینده اولکی زلزلهدن قیسا مدت سونرا گئجه واختی یئنیدن زلزله باش وئردی. زلزله ایران آدلانان یئره هجوملا تخمیناً عینی زامانا تصادف ائدیب و زلزله زامانی خویدا دا گؤیده پارتلاییشلارین باش وئرمهسی کامئرالار واسطهسیله قئیده آلینیب.
ایرقچی فارس رئژیم هم پهلوی، هم ده موللا رئژیمی دؤورونده گونئی آذربایجانا قارشی موستملکه سیاستی یئریتمکله، بورادا زلزلهیه داواملی اینفراستروکتورون یارانماسینا مانع اولموشدور. نتیجهده گونئی آذربایجان جزئی زلزلهلرله ده جدی شکیلده داغینتییا معروض قالیر و چوخ سایدا سویداشیمیز زلزلهنین قوربانینا چئوریلیب و یا خسارت آلیر. بونونلا یاناشی موللا رئژیمی سون ایللرده هئچ ندن چکینمهدن آچیق شکیلده آذربایجان تورک میللتی ایله دوشمنچیلییه باشاییب، زلزله بؤلگهسینه قصداً هئچ بیر یاردیم چاتدیرمادان کؤمکسیز قالان اهالینین داها آجیناجاقلی وضعیته دوشمهسینه و تلفاتین آرتماسینا سبب اولور.
قیشین سرت کئچدیگی بؤلگهده ائولرینی ایتیرمیش آذربایجان تورکلری دؤولتین تامامیله اؤگئی موناسیبتیله قارشیلاشمیش و قارلی هاوا شرایطینده آجیناجاقلی وضعیتده قالیبلار. بئله آغیر و آجیناجاقلی شرایطده اومید یالنیز آذربایجان تورک میللتینهدیر و بو میللت اؤزو سفربر اولوب اؤز سویداشلارینی آجیناجاقلی دورومدان قورتارمالیدیر. کئچن ایللرین تجروبهسی ده گؤستریب کی، خاریجدن و یا داخیلدن زلزله بؤلگهسی اوچون ائدیلن هومانیتار یاردیم دا موللا رئژیمی طرفیندن زلزلهدن اذیت چکنلره یوخ، تئررورچو قروپلارا چاتدیریلاجاق.
گونئی آذربایجان دئموکراتیک تورک بیرلیگی (گادتب) آذربایجان تورک میللتینی بیرلییه و زلزلهدن اذیت چکن اینسانلاریمیزا یاردیمجی اولماغا چاغیریر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی