ادتاج اتحادیه دمکراتیک ترک آذربایجان جنوبی
گادتب: ایرقچی و ایرتیجاچی فارس-موللا رئژیمینین غیری-فارس میللتلرین اراضی‌سینی ایشغال ائتمک و اونلاری موستملکه ائتمکله یاناشی سون اون ایللیکلرده بوتون رئگیونو تشکیل ائتدیگی تئررورچو قروپلار واسطه‌سیله قان گؤلونه چئویریب. موللا رئژیمی ایللردیر اساساً ایسرائیله قارشی یئتیشدیردیگی همین تئررورچو قروپلار واسطه‌سیله تئررور هوجوملاری حیاتا کئچیردیگی، بعضاً ایسه اؤزونون بیرباشا ایسرائیله هوجومو نتیجه‌سینده ایسرائیلین ایران آدلانان اراضیه هوجوم ائده جه یی گؤزله نیلیر.
موللا رئژیمی ایسرائیله بیر باشا تئررور هوجوملارینی اساساً غئیری-فارس میللتلرین، او جمله‌دن آذربایجان تورکلرینین اراضی‌سین‌دن تشکیل ائتمکله آذربایجان تورکلرینی تهلوکه قارشیسیندا قویور. لاکین ایرقچی فارس-موللا رئژیمین ایسرائیلله قارشی-قارشییا گلمه‌سینین آذربایجان تورک میللتینه هئچ بیر عایدیتی یوخدور و بو مسئله ایسرائیل ده باشا دوشمه‌لی‌دیر، موللا رئژیمین گونئی آذربایجان‌دا سفربر ائتدیگی ال آلتیلاری دا. آذربایجان تورک میللتی آییق اولمالی‌دیر کی، موللا رئژیمی ال آلتیلاری واسطه‌سیله آذربایجانی قوربان وئرمه‌سین. اونسوز دا موللا رئژیمین یاریتماز اولماسی اوجباتیندان ایسرائیل ایسته‌ینده تهران‌دا ایسته دیگی عملیاتی حیاتا کئچیریر. اونوتماق لازه‌م دئییل کی، بو رئژیم آذربایجانی قوربان وئرمک ایسته ییر.
آذربایجان تورک میللتینین یئگانه قورتولوش یولو ایستیقلال‌دیر و بونا مانع اولان اساس قوه ایسه ایرقچی فارس-موللا رئژیمی‌دیر. ایرقچی فارس-موللا رئژیمینه قارشی ایسته‌نیلن هوجوم دا آذربایجان تورک میللتی طرفین‌دن بویوندوروق‌دان قورتارماغا واسطه کیمی ایستیفاده ائدیلمه‌سی دایم دقت مرکزین‌ده اولمالی‌دیر.
گونئی آذربایجان دئموکراتیک تورک بیرلیگی (گادتب)`قئید ائدیله‌ن بو رئال‌لیقلاری نظره آلاراق، آذربایجان تورک میللتینه مراجعتین‌ده اونلاری آییق اولماغا و موللا رئژیمه، ائله‌جه ده رئژیمین گونئی آذربایجان‌دا یئتیشدیردیگی ال آلتیلارینا گونئی آذربایجانی ایسرائیله قارشی قوللانماغا ایجازه وئرمه‌مه‌یه چاغیریر. گادتب گونئی آذربایجانین یئگانه قورتولوش یولونون موستقیل‌لیک اولدوغونو نظره آلاراق آذربایجان تورکلرینی ایسته‌نیله‌ن حال‌دا صیرف گونئی آذربایجانین موستقیل‌لیگی ایستیقامت‌ده بیرلشمه‌یه و میللی حرکاتا داوام ائتمه‌یه چاغیریر.
اژدر تاغی‌زاده
گونئی آذربایجان دئموکراتیک تورک بیرلیگی (گادتب) باشقانی
