ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگینین (گادتب) سون حادثهلرله باغلی آذربایجان تورک میللتینه مراجعت عنوانلاییب. مراجعتی اولدوغو کیمی تقدیم ائدیریک:
عزیز گونئی آذربایجان تورک میللتی و فعاللاری!
۲۱ آذر ۱۹۴۵-جی ایل تاریخینده پیشه وری طرفیندن قورولان آذربایجان میللی حکومتینین تجروبهسینی یئنیدن یاشاماماق اوچون بو تاریخدن دوزگون درس آلمالی و نتیجهلر چیخارمالیییق. حاضردا هم بئین الخالق سیاسی وضعیت نقطه یی نظردن، هم ده داخیلده حکومت سیاسی و ایدئولوژی جهتدن سوقوط مرحلهسیندهدیر. اورتا شرقدهکی چتینلیکلردن و میللتیمیزین اقتصادی، مدنی، ائکولوژی و سیاسی وضعیتینین آغیرلاشماسیندان نتیجه چیخاراراق بیرلیکده چالیشمالیییق.
بو گون یالنیز گونئی آذربایجانین موستقیللیگینه دقت یئتیرمک و ۵۵ میلیون آذربایجان تورکونون دینج شکیلده دونیا ایجتیماعیتی ایله امکداشلیق ائتمهسی اوچون بیرلشمک زامانیدیر. حاضردا تورک دؤولتلری، قونشو اؤلکهلر، دونیا دؤولتلری، ائله جه ده غرب و شرقله بیرلیکده ایشلهیهرک، بؤیوک تاریخه صاحب اولان میللتیمیزه داها یاخشی و لاییقلی سیستئم قورماغین واختیدیر.
سؤزسوز کی، یارانمیش بو تاریخی شرایطی میللت اولاراق دوزگون دگرلندیرمه ییمیز گرکلیدیر. موستقیللیگیمیز و بیر دفعهلیک اؤز طالعییمیزی اله آلماق اوچون آیاغا قالخین! گلجه ییمیز اوچون داها یاخشی اقتصادیات، دئموکراتییا، تحصیل، اطراف موحیط و حیات شرایطی قورماق اوچون بیرلیکده حرکت ائدک!
حؤرمتله،
گونئی آذربایجان دئموکراتیک تورک بیرلیگی (گادتب)
