ادتاج اتحادیه دمکراتیک ترک آذربایجان جنوبی
گادتب: گونئی آذربایجان دئموکراتیک تورک بیرلیگی (گادتب) آذربایجان دؤولتچیلیگینه و میللی بیرلییه سارسیلماز دسته یینی بیلدیرمک بارهده بایانات یاییب. بیاناتی اولدوغو کیمی تقدیم ائدیریک:
گونئی آذربایجان دئموکراتیک تورک بیرلیگی (گادتب) اولاراق بیز آذربایجان رئسپوبلیکاسینین دؤولتچیلیگینه، میللی ماراقلارینا، خالقیمیزین بیرلیگینه و ۵۵ میلیونلوق آذربایجان خالقینین فاطح عالی باش کوماندان پرئزیدئنتی جناب ایلهام علیئوه درین صداقتیمیزی بیر داها بیان ائدیریک.
آذربایجان بو گون اؤز اینکیشاف یولوندا بؤیوک نائیلیتلر قازانمیش، رئگیوندا ثابیتلیگین و ترقینین دایاغینا چئوریلمیشدیر. بیز گونئی آذربایجان تورکلری اولاراق، بو اوغورلاری غرورلا ایزله ییر و آذربایجانین موستقیللیگینین، اراضی بوتؤولویونون و دؤولتچیلیگیمیزین ثابیتلیگینین قورونماسینی هر بیر آزربایجانلینین مقدس بورجو حساب ائدیریک.
بیز آذربایجان دؤولتینه، پرئزیدئنتیمیزه و خالقین ماراقلارینا قارشی یؤنهلن هر جور تخریبات و یا خیانت جهدلرینی قطعی شکیلده پیسله ییریک. بئله حاللارین عدالتلی، شفاف و قانونی شکیلده آراشدیریلماسینی، دؤولتچیلییه ضرر ووران هر بیر آددیمین حقوقی قیمتینی آلماسینی ضروری ساییریق.
گادتب اینانیر کی، یالنیز میللی بیرلیگیمیزی و دؤولته صداقتیمیزی قوروماقلا بیز داها گوجلو، داها عدالتلی و فیراوان آذربایجانی بیرلیکده قورا بیلریک.
بو گون هر بیر سویداشیمیزی میللی همرأیلییه، وطنپرورلییه و دؤولتیمیزین گلجه یی اوغروندا بیرلییه چاغیریریق. آذربایجان خالقینین ایرادهسی، گوجو و بیرلیگی قارشیسیندا هئچ بیر تخریبات و یا دوشمن قوه دایانا بیلمز.
یاشاسین آذربایجان! یاشاسین دؤولتچیلیگیمیز و میللی بیرلیگیمیز!
گونئی آذربایجان دئموکراتیک تورک بیرلیگی ( گادتب ) مرکزی شوراسی
Info@gadtb.com
azerbaijanylar@hotmail.com
www.gadtb.com
