ادتاج اتحادیه دمکراتیک ترک آذربایجان جنوبی
گادتب: بوتون تورک دونیاسیندا قدیم زامانلاردان قوتلانان یئنیگون-یاز بایرامی گونوموزده بؤیوک بیر جوغرافییادا قوتلانیر. طبیعتین اویانماسی و یازین گلیشی ایله باغلی اولان یئنیگون-یاز بایرامی کؤکو تورکون یاشام طرزیندن قایناقلانان و سونرادان تورک شاهلاری طرفیندن حرفی ترجومه شکلینده تاجیک دیلینه ترجومه ائدیلن نووروز بایرامی حاضردا فارس کیمی تانینان تاجیکلرین تاریخیندن یوز ایللر اؤنجه تورکون تاریخینده یئنگی گون (یئنیگون) بایرامی شکلینده مؤوجود اولوب و تاریخه دوشموشدور. هله هون تورکلرینین بو بایرامی کئچیرمهسی بارهده دانیلماز تاریخی فاکتلار مؤوجوددور.
یئنیگون بایرامینین قدیمدن تورکلرین بایرامی اولماسی ایله باغلی دا «دیوانی لغات الترک» کیمی معتبر اثرده دانیلماز فاکتلار مؤوجوددور. بئله کی، همین اثرده اوغوزلو-قیبچاقلی بوتون دونیا تورکلرینین قئید ائتدیگی بو میللی بایرام «یئنگی گون» (یئنیگون) کیمی قئید ائدیلمیشدیر. یئنگی گون بایرامی داها سونرالار فارسجایا حرفی ترجومه ائدیلهرک نووروز شکلینده تورک ایمپئراتورلوقلارینین اراضیسینده ایشله دیلمیشدیر. «یئنیگون» سؤزو تورک سلطانلارینین (سلجوقلو ملیکشاه) گؤستریشی ایله فارسجایا ترجومه ائدیلدیگی اوچون بیر چوخ بؤلگهلرده نووروزی سلطان و سلطان نووروزو شکلینده ایشله دیلمیش و حتی بیر سیرا تورک اؤلکهلرینده بو گون ده بو شکیلده ایشله دیلمکدهدیر. یئنیگونون ترجومه فورماسی اولان نووروز بؤیوک سلجوقلو سلطانی ملیکشاهین تقویم اصلاحاتلاریندان سونرا یاییلمیشدیر.
تورک میللتینین هله اون مین ایل اؤنجهدن فورمالاشدیردیغی یئنیگون- یاز بایرامی اینسانلارین ایلکین حیات طرزی، اکینچیلیک و طبیعتین قیشدان سونرا یئنیدن اویانماسی ایله باغلی اولموشدور. بو بایرام اساس ایکی قطعهیه یاییلمیش تورکلرین هامیسیندا دینیندن آسیلی اولمایاراق کئچیریلیر. حتی پروتوتورک خالقلار حساب ائدیلهن ایکی چای آراسیندا ساویر و شومئرلرده بئله یئنیگون بایرامی کئچیریلمیشدیر.
بو گون تئررورچو و ایشغالچی فارس-موللا رئژیمی داغیدیجی سیاستی ایله گونئی آذربایجاندا دا داخیل بوتون بؤلگهنی داغیدیجی محاربهیه سوروکلهییب. لاکین ایرتیجاچی موللا رئژیمین سون نفسلریدیر و تئزلیکله میللتیمیزین آزادلیغا چیخاجاغی گون گلمکدهدیر. گونئی آذربایجان دئموکراتیک تورک بیرلیگی (گادتب) یئنیگون-یاز بایرامی موناسیبتی ایله گونئی آذربایجان و قوزئی آذربایجاندا آذربایجان تورک میللتینی، ائلهجه ده تورک دونیاسینی تبریک ائدیر، میللتیمیزه موتلولوق و آیدین گلهجک، گونئی آذربایجان داخیل اولماقلا اسارتده اولان دیگر تورکلره آزادلیق و موستقیللیک آرزولاییر.
یئنیگون-یاز بایرامینیز موبارک!
اژدر تاغیزاده گونئی آذربایجان دئموکراتیک تورک بیرلیگی (گادتب) باشقانی
