ادتاج اتحادیه دمکراتیک ترک آذربایجان جنوبی
گادتب: گونئی آذربایجان دئموکراتیک تورک بیرلیگی (گادتب) ۲۸ مای – آذربایجانین موستقیللیک گونو موناسیبتیله بیلدیریش یاییب. بیلدیریشی اولدوغو کیمی تقدیم ائدیریک:
گونئی آذربایجان دئموکراتیک تورک بیرلیگینین (گادتب) ۲۸ مای – آذربایجانین موستقیللیک گونو موناسیبتیله بیلدیریشی
۲۸ مای ۱۹۱۸-جی ایلده قوزئی آذربایجانین روس ایمپئرییاسی اسارتیندن آزاد اولاراق آذربایجان خالق جومهوریتینین موستقیللیگینی اعلان ائتمهسی گونودور.
آذربایجان دئموکراتیک جمهوریتی گؤرکملی دؤولت خادیمی محمد امین رسولزاده نین رهبرلیگی و آذربایجان خالقینین ایرادهسی ایله قورولموش، موسلمان شرقینده ایلک دئموکراتیک و دونیوی جمهوریت کیمی تاریخه دوشموشدور. آذربایجان خالق جمهوریتی اینسان حقوقلاری، آزاد سئچکی حقوقو و قادینلارا سئچمک و سئچیلمک حقوقو وئرن ایلک دؤولتلردن بیری اولاراق آذربایجانین میللی دؤولتچیلیک تاریخینده موهوم یئر توتموشدور.
۲۸ مای روحو یالنیز قوزئی آذربایجانین دئییل، عینی زاماندا گونئی آذربایجانین دا آزادلیق و میللی حقوقلار اوغروندا موباریزه آپاران میلیونلارلا تورکونون قلبینده یاشاییر. بو موباریزه، فارس شووینیست رئژیمی طرفیندن ایداره اولونان شرایطده میللی حقوقلارین برپاسی و خالقیمیزین آزاد گله جه یی اوغروندا داوام ائدیر.
گونئی آذربایجان دئموکراتیک تورک بیرلیگی (گادتب) ۲۸ مای – آذربایجان جمهوریتینین موستقیللیک گونو موناسیبتیله کئچیریلهن تدبیر چرچیوهسینده بیلدیریر کی، بو گونون اساس معناسی گونئی آذربایجاندا ۴۰ میلیونلوق تورک میللتینین و دونیایا سپه لنمیش ۵ میلیوندان آرتیق آذربایجان تورکونون میللی موباریزهسینه دستک، میللی ایرادهیه اساسلانان دئموکراتیک جمهوریتین گلهجکده قورولماسی و بوتؤو ۵۵ میلیونلوق آذربایجانین بیرلیگینه اولان اینامدیر.
گادتب اولاراق اینانیریق کی، خالقیمیزین بیرلیگی، میللی شعورو و موباریزهسی گلهجکده داها گوجلو، دئموکراتیک و بوتؤو آذربایجانین قورولماسینا خیدمت ائدجکدیر.
یاشاسین آذربایجان! یاشاسین بوتؤو آذربایجان
حؤرمتله:
میکائیل اویتا
گونئی آذربایجان دئموکراتیک تورک بیرلیگی (گادتب) بئین الخالق علاقهلر دئپارتمئنتینین صدری
www.gadtb.com
P.O.BOX 1864 BONDI JUNCTION NSW 1355 AUSTRALIA
