ادتاج اتحادیه دمکراتیک ترک آذربایجان جنوبی
گادتب: بلوچلار اؤز دوغما یوردلاریندا بیر داها ایشغالچی ایران رئژیمی طرفیندن قانینا غلطان ائدیلدی. اونلارلا گوناهسیز بلوچ ایران رئژیمینین داغیدیجی و موستملکه سیاستی نتیجهسینده ان آغیر شرایطده عائلهلرینین معیشت خرجینی قازانماق ایسته یرکن رئژیمین تهلوکهسیزلیک قوهلری طرفیندن گول له بوران ائدیلمیشلر. بو ایسه حاقلی اولاراق بلوچلارین اعتراضی و آیاقلانماسی ایله قارشیلاشمیشدیر.
گونئی آذربایجان دئموکراتیک تورک بیرلیگی (گادتب) ایشغالچی ایران رئژیمینین ظلموندن آیاغا قالخیب اؤز میللی و سینفی حاقلارینی طلب ائدن بوتون مزلوم قئیری-فارس خالقلارین یعنیندادیر. بو ایستیقامتده گادتب بلوچ خالقینین دا بو حاقلی موجادیلهسی و موباریزهسینی دستکلییر.
ایشغالچی ایران رئژیمی قولدور و ایرتیجاچی رئژیم اولاراق بوتون میللی و اجتماعی ایستکلری گول له ایله باسدیریر. سؤزسوز کی، بو موستملکهچی، شووینیست و ایشغالچی دؤولتین بوتون ایستروکتورلاری و اؤزو محو اولمایانا کیمی بئله قانلی حادثهلر هر زامان باش وئرهجک. رئژیمین بئله قانلی حادثهلری بیر گون عربلره، بیر گون آذربایجان تورکلرینه، بیر گون تورکمنلره، بیر گون بلوچلارا و باشقا خالقلارا قارشی داوام ائدهجک. ایشغالچی ایران رئژیمی عمومیتله بوتون غیری-فارس خالقلارین و عمومیتله بشریتین دوشمنیدیر. گادتب بلوچ خالقینین دا سون بو حاقلی موجادیلهسی و موباریزهسینی دستکله مکله یاناشی ایشغالچی فارس-موللا رئژیمینین بیر دفعهلیک محوی اوچون مظلوم میللتلرین آزادلیق مباریزهسینین اینتئنسیولشمهسینی تکجه دوزگون یول حساب ائدیر.
اژدر تاغیزادی
گونئی آذربایجان دئموکراتیک تورک بیرلیگی (گادتب) باشقانی
