ادتاج اتحادیه دمکراتیک ترک آذربایجان جنوبی
گادتب: عثمانلی‌لارین حاکمیتی دؤرونده بالکان بؤلگه‌سین‌دن تورکلرین حمایه‌سینه سیغینان ائرمنی‌لر سونراکی یوزیللیکلرده نان کؤرلوک ائده‌رک، عثمانلی دؤلتینی محو ائتمه یی قرارا آلان غرب اؤلکه‌لری و روسیانین الینده تورکلره قارشی آلته چئوریلمیش‌لر. غرب دونیاسی و روسیانین تحریکی ایله تورکون قانینا سوسامیش ائرمنی‌لر حمایه‌سینده یاشادیغی عثمانلییا خیانت ائتمیش و عثمانلییا هوجوما کئچمیش غرب دؤولت‌لری و روسیانین قارشی‌سیندا آرخا‌دان اؤلدوروجو ضربه‌لر ائندیرمیش‌دیر. بونون نتیجه‌سینده یوزمین‌لرله تورک شهید ائدیلمیش‌دیر.
عثمانلی دؤولتی جبهه بؤلگه‌سی اراضی‌لرینده یاشایان و تجاووزکار دوشمنه ساتیلا‌راق، تورکلره خیانت ائدن ائرمنی‌لری داها تهلوکه‌سیز بؤلگه‌لره کؤچورمه‌یه قرار قبول ائتدی. بو هم ائرمنی‌لری محاربه‌ده تلف اولماق‌دان قوروماق، هم ده اونلارین خیانتی نتیجه‌سینده تورک اوردوسونون یئنی‌لمه‌سی‌نین قارشی‌سینی آلماق مقصدی داشیییردی. لاکین عوثمانلینی مهو ائتمه یی قارشییا مقصد قویان غرب دونیاسی و روسیایا بو مسئله صرف ائتمه دیگی اوچون اونلار ال آلتی‌لارینا چئویردیک‌لری ائرمنی‌لرین عثمانلی طرفیندن قتل عام ائدیلدیگینی تبلیغ ائتمه‌یه باشلادی‌لار. ماراقلی‌دیر کی، هله 1915-جی ایلده ائرمنی‌لرین کؤچورولمه پلانی ایجرا ائدیلممیش‌دن آیلار اؤنجه بو یالان ادعا ایله ائرمنی‌لرین قتل عام ائدیلدیگی تبلیغ ائدیلمه‌یه باشلانمیش‌دیر.
ائرمنی‌لرین یالان ائرمنی سویقیریمینین هئچ واخت باش وئرمه دیگی اوچون بو گون ائرمنی‌لر و غربله روسیا تورکیه‌نین آرخیو‌لری آچیب بی طرف تدقیقاتچی‌لارین سویقیریم مسئله‌سینی تدقیق ائتمه‌لری و نتیجه‌نین هر طرف اوچون قبول ائدیلمه‌لی اولدوغونا دایر چاغیریشینی جاوابسیز قویورلار. چونکی، اونلار اؤزلری ده یاخشی بیلیرلر کی، رئاللیقدا تورکلر یوخ، ائرمنی‌لر تورکلره قارشی سویقیریم تؤردیب. کیمسه‌یه سیرر دئییل کی، ساختا ائرمنی سویقیریمی ادعاسی تورکه قارشی روسیا، غرب و تورک دوشمن‌لری‌نین نامردجه‌سینه باسقی واسطه‌سی‌دیر.
اصلینده غرب و روسیا آذربایجان و تورکیه اراضی‌سینده تورکه قارشی ”بؤیوک ائرمنیستان” دؤولتی یاراتماق مقصدیله تورک اراضی‌سینه کؤچوب گلمیش و تورکون حمایه‌سینده یاشایان آز سایدا ائرمنینی تورکه قارشی تحریک ائدیب دهشتلی تورک سویقیریم‌لارینا سبب اولموش‌لار. سون ایکی عصره یاخین بیر دؤورده قوزئی و گونئی آذربایجان، ائله‌جه ده شرقی آنادولودا سایی میلیونو آشان تورک ائرمنی‌لر طرفیندن سویقیریم نتیجه‌سینده وحشیجه‌سینه قتل عام ائدیلمیش‌دیر.
بو گون غرب و روسیا ایله یاناشی ایرانین موللا رئژیمی کیمی آنتی‌ایسلام و آنتی‌بشر رئژیمی ده الی میلیون‌دان چوخ موسلمان تورکون قانینا باتمیش ائرمنی‌لری تورکه قارشی اعتراضلارا تشکیلاتلاندیریر.
گونئی آذربایجان دئموکراتیک تورک بیرلیگی (گادتب) بوتون تورک دونیاسینا، اؤزل‌لیکله آذربایجان تورک میللتینه سسلنه‌رک بوتون دونیا‌دان تورکه قارشی بو یودورما ائرمنی سویقیریمینی ایفشا ائدیب، بو عدالتسیزلیگین قارشی‌سینی آلماغا چاغیریر.
اژدر تاغی‌زاده
گونئی آذربایجان دئموکراتیک تورک بیرلیگی (گادتب) باشقانی
