ادتاج اتحادیه دمکراتیک ترک آذربایجان جنوبی
گادتب: گۆنئی آذربایجان میللی حرکاتینین محبوسلاریندان محمود اوجاقلو، آیاز سیفخواه و عبدالعزیز عظیمیقدیم، ائوین زیندانیندان آجلیق اعتصابینا باشلایاجاقلارینا گؤره یئنی بیلدیریلری یایبلار. بیلدیریده دئییلیر:
سلاملار و سایغیلار
سئوگیلی دوستلار، میللی باجی –قارداشلار
ائوین زیندانیندان بیر داها سَسیمی چاتدیریرام؛ بیلدیگینیز کیمی، بو آیین ایلک گونلرینده بیزده دوستلاریمیزلا بیرلیکده، یئمک اعتصابینا باشلادیق.
آرادا بیرپارا مذاکرهلر اساسیندا و هله بو گونه کیمی اعتصابدا اولان دوستلاریمیزلا مصلحتلشهرک، قضائی و زیندان مسئوللارینا حوسن نییت گؤسترمک اوچون، بیر نئچه نفر بو اعتصابا آرا وئردیک و مسئوللارین وعده-وعیدلرینه فورصت یاراتدیق.
معالاسف بو گونه کیمی نه بیز و نه اعتصابدا قالان دوستلاریمیز، گئدیشاتدان راضیلاشا بیلمهمیشیک.
بو کون بیر موشترک مکتوبدا قضائی مسئوللارا بیر داها تذکر وئرهرک، دوز گونونه (دوشنبهیه) کیمین اونلارین عملی اقداملارینی گؤزلَهییب و اعلام ائدیریک: اگر ایستکلریمیزه جاواب وئریلمهسه، گلن گونلرده بیز ده بو اعتصابا یئنیدن قاتیلاجاغیق و دوستلاریمیزلا بیرلیکده داوام ائدهجهییک.
طبیعی کی، بو مسئله یالنیز بیز محبوسلارین مسئلهسی یوخ، بلکه میللی حرکتین، ها بئله وطنیمیزین و میللتیمیزین مسئلهسی و گلهجهییدیر.
بو یولدا بوتون جان یاندیران و قایغیچکن دوستلاریمیزدان تشکر ائدهرک، داها مساعدت و یولبیرلیکلرینی گؤزلهییریک.
یاشاسین آذربایجان، یاشاسین تورک میللتی
محمود اوجاقلو، آیاز سیفخواه، عبدالعزیز عظیمیقدیم.
یئل گونو (شنبه) 24- قیروو آیی ( آبان) 1404
