ادتاج اتحادیه دمکراتیک ترک آذربایجان جنوبی
گادتب: نئچه گون بوندان اؤنجه بیر ایرانشهری دوشونجه‌یی ییه‌له‌نن رضا شیبانی آدلی بیریسی سهند شبکه‌سی‌نین شئعر و موسیقی قورومون اؤیه‌سی اولاراق سئچیلدی. بو تیپ اینسانلارین سئچیلمه‌سی چوخ‌دا شاشیردیجی دئییلدی.
ایران اینترنشنال، بی‌بی‌سی، من‌وتو و … باخیشیندا، هر کیم تورکیه، تورک میللتینه، سایین اردوغانا چوخ یامان دئییب سالدیریرسا، بو شبکه‌لرین کارشناسی اولاراق تانینارلار.
بو باخیش ایچریده اولان تئلویزیون کانال‌لارینادا کئچرلیدیر. اگر سالدیرقان، ساتیلمیش آسیمیله تورک اولورسا داها گؤزل اولار و من اؤزوم آذری‌ام بونلارین کلید واژه‌لری‌دیر.
رضا شئیبانی کیمی ایرانشهر دوشونجه‌یه صاحیب اولان، اؤز تاریخ، کولتور، دیل، موسیقی، مفاخر و، مشاهیرلرینی ساتیب، گؤرمزدن گلن‌لرین یئری ائله ساتیلمیش و بیزیم میللتی آسیمیله ائتمه‌یه چالیشان سهند شبکه‌سی کیمی یئرده چالیشماقدیر. اگر بو تیپ ساتقینلار ایشه آلینیرلارسا، دئمک مئدیا یؤنه‌تن‌لری بو دوشونجه‌ده‌دیلر.
تراختور یاریشلاریندا «تورک دیلینده مدرسه» سلوقانی وئریلن زامان سسی‌نی کسن ساتقین، یقین بو تیپ‌لری یانینا آلاجاق، آنجاق بیر شئی‌ده یانیلیبلار، سئودیگیم مئدیانی ایچریده گؤرمزسم، جان قارداش اؤلکه‌لرده گزیب، تاپاجاغام و تورکیه آزربایجان کاناللاری بیزیم ائولرین آیریلماز قوناقلاری اولوب و اولاجاقلار.
ایرانشهری دوشونجه‌سی‌نین قبرینی ائله بو تبریزده قازیب، دفن ائده‌جه‌ییک.
میللت‌لر اؤز وارلیقلارینی الده ائتدیگی زامان بو دوشونجه یئر اوزوندن محو اولاجاق. او اوزدن ایلک آتدیمیمیز، اؤز دیلیمیزده یازیب، اوخویوب، دانیشماقدیر. اؤز کولتور، موسیقی، تاریخیمیزی ییه‌له‌نیب، گله‌جک نسیل‌لره‌ده پای وئرمه‌لی‌ییک.
