ادتاج اتحادیه دمکراتیک ترک آذربایجان جنوبی
گادتب: سازندگی آدلی ایرانین دئولتی قزئتهسی، آزربایجانین جمهورباشقانی الهام علیافون لاچین شهرینین یئنیدن آزربایجان توپراقلارینا دؤندوکدن سونراکی دانیشیقلارینی سئودیگی کیمی تحریف و ترجمه ائدرک، اوخوجویا بئله گوسترمک ایستهییر، سانکی آزربایجان ائرمنستان توپراقلارینی ایشغال ائدیب و ائتمکدهدیر. بو تیپ اویدورما و ساختا سؤزلری یازیب و باسدیران قزئته، ائرمنیستانین توپراقلارینین الدن گئتمه قورخوسوندا اولسادا، اصلینده ائرمنیلر طرفیندن ایشغال اولونان آزربایجان توپراقلارینین آزاد اولوب آزربایجانا قاییتماسی بونلارا خوش گلمهییب و هر تورلو بو سانجیلانمانی گؤسترمهیه چالیشیرلار.
همن سایفادا، احیای ایرانشهری باشلیغی آلتیندا، فاشیستی تئوری و دوشونجهنی رئکلام ائدرک، ایراندا یاشایان غیر فارس میللتلری گؤرمزدن گلیر و یئری گلدیگینده موستقیل دئولتلرین توپراقلارینی اؤز توپراقلاری کیمی گؤروب و ایران توپراقلارینا آرتیرماق ایستهییرلر.
بونلارین دوشونجهسینده ایراندا یاشایان غیر فارس میللتلر یا فارسایمیشلر سونرادان دؤنوبلر یادا باشقا یئرلردن کؤچرک هئچ حاققا مالیک دئییللر. آنجاق آیری اؤلکهلرده، اؤزللیکله اوتای آزربایجان و تورکیهده غیرتورک میللتلرین حاققی تاپدالاناراق، تبعیضلره معروض قالیرلار.
سؤزوم بو تیپ آلچاق و فاشیست قزئتهنین یازارلاری و اونلارا دستک وئرن فاشیست سیستمهدیر: سیزین دردینیز ائرمیستانین توپراق بوتونلویو دئییل، سیزین دردینیز تورک میللتین گونو گوندن دیرچلمهسیدیر و بودا سیزین گئجه گوندوزونوزو ووروب بیربیرینه.
آزربایجانین بوتون توپراقلاری آزاد اولوب و اؤزگور یاشایاجاییق و سیزده بو فاشیستی ایرانشهری و پانفارسیزم دوشونجهسینده بوغولاجاقسیز.
گلهجک بیزیمدیر
