ادتاج اتحادیه دمکراتیک ترک آذربایجان جنوبی
گادتب: احمد کسروینین «زبان آذری» تئزینین یانیندا جواد طباطبایینین «ایرانشهری» دوشونجهسینی یان یانا قویدوغوموزدا بیر سورهنین باشلانیب، یورومهسینی گؤرمک اولار. ایکیسیده تورک و تبریزلی اولدوغو بیر یاندان، کسروینین تاریخ بؤلومونده و جواد طباطبایینین فلسفه حاققیندا یازدیغی کیتابلار باخیلیرسا، بونلارین بیلمهدن بو تئزلری وئرمکلری چوخدا بوشو بوشونا دئییل.
چنگیز ایتماتوفون یازدیغی «مانقورد» رومانینی اوخویوب، بونلارین دورومونا باخدیغیمیزدا، بونلارین مانقورد اولماقلارینی اینانا بیلمک بیراز زور اولور. بونلار مانقوردلاشدیرمانین سورهسینده بؤیوک روللاری اولان ایکی الی قلمه گلن شخص ساییلا بیلرلر.
کسروی نین «آذری دیلی»نین پهلویلرین ایش باشینا گلدیکدن همن سونرا اورتایا گلمهسی و طباطبایی و بونلارا بنزر و آرخالاریندا دورانلارین دوشونجهلری اینسانلیغا قارشی اولدوقلاری اوچون، هئچ زامان غیرفارس میللتلرین آیدین دوشونجهای اینسانلاری طرفیندن خوش قارشیلانمادیلار.
چوخلارینین اومانیستلیک آدی آلتیندا، هئچ کیمین اؤلوموندن سئوینمهینلرین تام ترسینه، بو تورلو آلچاق، اؤز میللتلرینه قارشی چالیشیب، اینسانلیغا قارشی حرکت ائدنلرین اؤلوملرینه سئوینمهلیییک.
اگر هیتلر کیمیلر میللتلری سویقیریم ائدیردیلر، بو تورلولرین ایشلری سویقیریمدان هئچ دالی قالان دئییل. اونلار جان آلیردیلار و بونلار وارلیقلاریمیزی.
بو تورلولر میللتلرین اؤز وارلیقلاریندان و کیم اولدوقلاریندان اوزاخلاشدیرماغا چالیشیب اؤزگه چیراغینا یاغ اولماغی سئچدیکلری اوچون، نه قدر تئز بو دونیادان آیریلسالار، اینسانایغا خئیرلری اولدوقلاری اوچون، میللتلر و اؤز آدیما سئوینیرم.
اومود ائدیرم مانقوردلاشان و میللتیمیزی مانقوردلاشمایا چالیشانلارین جزاسی اؤتهکی دونیایا قالماسین. اونلارین جزاسی میللتلرین اؤز دیللرینده یازیب اوخوماسی و اؤز تقدیراتلارینا صاحیب چیخماسیدیر.
گلهجک بیزیمدیر…
