ادتاج اتحادیه دمکراتیک ترک آذربایجان جنوبی
گادتب: یوروش بی مهرعلیبیلینین توتوقلانماسیندان بیر آی اؤتور. آلینان ان سون خبره گؤره تبریز زندانینین اؤزل (ویژه) بندینده چتین و آغیر شرایطده ساخلانیلیر.
یوروش مهرعلیبیلی بیر چوخ دفعه حبس ائدیلیب، ایشکنجهلره معروض قالیب، آجلیق آکسیالارینا دایانسا دا و ان سون یئنه اساسسیز اتهاملارلا ۱۰ ایل حبس جزاسی آلسا دا، آما ایندیلیک نه اوچون ساخلاندیغی بللی دئییل. اونو تبریزدن جولفایا گئدرکن توتوب ساخلاییبلار، نه بیر آچیقلاما، نه بیر ایضاح …
اما اونون توتولماسینین زامانلاماسی هر شئیی آیدین اورتایا قویور؛ اعتراضلارین باشلانما عرفهسی …
بللی دیر کی رژیم تورک میلتیندن، آزربایجاندان و اونون میدانی لیدرلریندن قورخور و حساس بیر زاماندا اونلاری نظارت آلتیندا ساخلاماق ایستهییر؛
عئینی شکیلده علی بی بابایی کی آرتیق هفتهلردیر هئچ بیر آچیقلاما اولمادان توتوقلودور. علی بی ده ایندییه دک دفعهلرجه دوغما خالقینین حاقلارینی مودافیعه ائتدیگی اوچون حبس لره و ایشکنجهلره معروض قالیب.
و طبیعی کی سادجه اونلار دئییل، بو لحظه اونلارجا گونئی آزربایجانلی سیاسی محبوس ساختا اتهاملارلا رژیم حبسخانالاریندا ساخلانیرلار.
رژیم اگر دوشونور کی بو اوجوز اویونلارلا تورک فعاللارینین ارادهسینی سیندارا بیلر و یاخود آزربایجان میلی حرکتینه مانع تؤرهدهبیلر سهو ائلهییر. نئجه کی فارس مئدیاسی اونلاری بایکوت ائدرک عئینی پایلاشیر.
چاغلایان بولاغی پالچیقلا دایاندیرماق و ایشیق ساچان گونشی چامورلا اؤرتمک اولماز.
رژیمنین دوستاقلاریندا ایگیدجهسینه دیرنن قهرمانلاریمیزا عشق اولسون.
