ادتاج اتحادیه دمکراتیک ترک آذربایجان جنوبی
گادتب: ۸ نویابر – آذربایجانین ظفر گونودور. بو تکجه آذربایجان رئسپوبلیکاسیندا یاشایان آذربایجانلیلارین دئییل، بوتون آذربایجان تورکلرینین ظفر بایرامیدیر.
آذربایجان اوردوسونون ایکینجی قاراباغ محاربهسینده میثیلسیز غلبهسی نتیجهسینده ۸ نویابر آذربایجاندا ظفر گونو کیمی تاریخه دوشموشدور. مظفر آذربایجان اوردوسو ایگیدلیکله همین گون دونیانین ساواش تاریخینده مومکون اولمایانی مومکون ائتدی. ۲۸ ایل سونرا آذربایجان اوردوسو بؤیوک قهرمانلیقلا آذربایجانین موسیقی و مدنیت بئشیگی شوشانی خصوصی ایگیتلیکله ائرمنی ایشغالیندان آزاد ائتدی.
بیرینجی قاراباغ ساواشیندا ایشغالچی ائرمنیستانا گیزلی یاردیم ائدن ایرانین فارس-موللا رئژیمی ایکینجی قاراباغ ساواشیندا آذربایجان اوردوسونون ایلک گونلردن ایرلیلهمهسینی گؤردوکده آرتیق ال-آیاغا دوشهرک آچیق شکیلده ایشغالچی ائرمنیستانا دستک وئرمیشدیر. ایران رئژیمی سلاح-سورسات دولو یوک ماشینلارینی ائرمنیستانا گؤندرمک و حتی پ ک ک تئررورچولارینی قاراباغا داشیماقلا ایشغالچی ائرمنیستانین مغلوب اولماسینا مانع اولموشدور. لاکین گونئی آذربایجان ایران رئژیمینین جدی تضییقلرینه باخمایاراق داواملی اولاراق آذربایجان اوردوسونا دستک نوماییش ائتدیریب، ایرانین ائرمنیستانا حربی یاردیملارینی دایاندیرماسی و نوردوز گؤمروک منطقهسینین باغلانماسینی طلب ائتمیشلر. ایران رئژیمی ایسه گونئی آذربایجانین دینج اعتراض نوماییشینه دیوان توتاراق چوخ سایدا آذربایجانلی فعالی حبس ائتمیشدیر.
ایرانین، روسییانین، فرانسانین و بوتون ائرمنیپرست اؤلکهلرین سعیلرینه باخمایاراق، آذربایجان اوردوسو ۴۴ گونده ایشغالچی ائرمنیستانی دیز چؤکدورهرک تاریخ یازدی. نویابرین ۸-ده قاراباغین تاجی، آذربایجانین موسیقی و مدنیت بئشیگی – شوشاننین آزاد ائدیلمهسیندن سونرا آرتیق ایشغالچی ائرمنیستانین بئلی بوکولدو. تسلیم اولان ائرمنیستان آذربایجانین آغدام، کلبجر و لاچین رایونلارینی دا محاربهسیز آذربایجانا قایتارماغا مجبور اولدو.
۲۰۲۳-جو ایلده ایسه ائرمنیستانین قانونسوز حربچی دستهلرینین آذربایجانین قاراباغ بؤلگهسینده چیخماماسی و آذربایجانا قارشی تخریبات و تئررور تؤرتمهسی آذربایجانی آنتی-تئررور تدبیرلرینه مجبور ائتدی. بونونلا آذربایجان اوردوسو خانکندی، خوجالی و آغدرهنی ده آزاد ائدرک آذربایجانین اراضی بوتؤولویونو تام تامین ائتدی.
گونئی آذربایجان دئموکراتیک تورک بیرلیگی (گادتب) آذربایجانین ظفر گونونو موناسیبتیله آذربایجان رئسپوبلیکاسینین پرئزیدئنتی جناب ایلهام علیئوی، آذربایجان دؤولتینی، آذربایجان تورک میللتینی و تورک دونیاسینی اورکدن تبریک ائدیر! بو ظفر هم ده بوتؤو آذربایجان و تورک دونیاسینین اوغورودور.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
