چهارشنبه , فوریه 28 2024
azfa
تازه ها

آوسترالیا-آذربایجان آسوساسیاسی و گادتب سیدنئی ده 28 مای- جمهوریت گونو ایله باغلی تدبیر کئچیردیلر-ویدئو

گادتب-نین مطبوعات مرکزینه داخیل اولان معلوماتا گؤره، بو گون آوسترالیا-آذربایجان آسوساسیاسی و گونئی آذربایجان دئموکراتیک تورک بیرلیگی (گادتب) آذربایجان دئموکراتیک جمهوریتی‌نین قورولماسینین 103-جو ایلدؤنومو ایله باغلی آوسترالیانین سیدنئی شهرینده مؤحتشم تدبیر کئچیردیلر.

تدبیرده ایلک اؤنجه آزربایجانین هیمنی، داها سونرا ایسه آوسترالیانین هیمنی اوخوندو.

تدبیرده چیخیش ائدن سایین میکاییل اویتا 1828-جی ایلده آزربایجانین روسیا ایشغا‌لی نتیجه‌سینده پارچالانماسی، 1918-جی ایل مایین 28-ده محمد امین رسول‌زاده‌نین باشچی‌لیغی ایله آذربایجان دئموکراتیک رئسپوبلیکاسینین اعلان ائدیلمه‌سی و موستقیللیگین 23 آی سورمه‌سی، ائله‌جه ده 1991-جی ایلده آزربایجانین یئنی‌دن اؤز موستقیللیگینی برپا ائتمه‌سی، آزربایجانین بیرینجی پرئزیدئنتی ابولفضل ائلچیبی طرفین‌دن روس قوشونونون آذربایجاندان چیخاریلماسی، 1993-جو ایلده حیدر علییئوین آذربایجاندا حاکمیته دعوت ائدیله‌رک اؤلکه‌ده ثابت‌لیک یاراتماسی و آذربایجان پرئزیدئنتی جناب ایلهام علییئوین آذربایجانی اقتصادی اینکیشافا چاتدیرماقلا 44 گونلوک محاربه ایله آذربایجان تورپاقلارینی ائرمنی ایشغالین‌دان آزاد ائتمه‌سی و بؤیوک ظفر قازانماسیندان دانیشمیش‌دیر.

تدبیرده داها سونرا آذربایجان رئسپوبلیکاسینین آوسترالیادا تمثیلچی‌سی دیپلوماتیمیز سایین رامیل قوربانوو چیخیش ائتمیش‌دیر.

همچینین تورکیه‌نین سیدنئی‌ده کی باش کونسوللوغون‌دان حؤرمتلی ییلدیرای کیرجا‌لی و حؤرمتلی دوندار ائولیا اوغلو چیخیش ائتدیلر.

آوسترالیادا فئدئرال میللت وکیلیمیز  ژولیا خانیم اوون دا چیخیش ائدیب.

کامبئرلند بلدییه‌سی‌نین تمثیلچی‌سی حؤرمتلی میللت وکیلیمیز کان هوانگ ایشتیراک ائتمیشتیر.

تدبیرده میللت وکیلیمیز جناب پاول لینچ ده چیخیش ائتمیشدی.

همچینین سری-لانکا باش کونسولو جناب لاکشمان هولوگا چیخیش ائتمیشدی.

گونئی آذربایجان دئموکراتیک تورک بیرلیگی (گادتب) قادین و اینسان حاق‌لاری دئپارتامئنتی‌نین صدری حؤرمتلی سارا خانیم آزرسون دا تدبیرده چیخیش ائدیب.

پروفئسسور دوکتور شمس الدین ده تدبیرده ایشتیراک ائتمیش‌دیر.

تورکیه ج ح پ پارتیاسینین آوسترالیا تمثیلچیسی حؤرمتلی سینان کتنجی اوغلو دا تدبیرده چیخیش ائتمیش‌دیر.

تورک قزئتی‌نین مودیری حؤرمتلی یوکسل بی ده ایشتیراک ائتمیشدیر.

تورک کونسئیی‌نین باشقانی حؤرمتلی دورسون جاندمیر ده ایشتیراک ائتمیشتیر.

تدبیرده تورک دایانیشما درنه یی‌نین باشقانی حؤرمتلی بشیر کاراسو دا ایشتیراک ائتمیش‌دیر.

تدبیرین سونوندا بایرام موناسیبتیله قوناقلار شیرنیات سوفره‌سینده بیر آرایا گلدیلر.

تدبیردن ویدئو و شکیل‌لری تقدیم ائدیریک:

دوباره امتحان کنید

پیام اتحادیه دمکراتیک تورک آذربایجان جنوبی و اتحادیه آذربایجان- استرالیا در مورد انتخابات به ملت تورک آذربایجان- تصویر

‎ گادتب: به گزارش مرکز گادتب، اتحادیه دمکراتیک تورک آذربایجان جنوبی و اتحادیه آذربایجان- استرالیا …

پنجمین روز اعتصاب غذای مرتضی پروین در بازداشتگاه اوین؛ نگرانی از وضعیت جسمانی این فعال آذربایجانی

گادتب: مرتضی پروین‌ جدا‌ هنرمند‌ و‌ فعال‌ حرکت ملی آذربایجان امروز‌ چهارشنبه ۹ اسفند ماه‌ …