ادتاج اتحادیه دمکراتیک ترک آذربایجان جنوبی
گادتب: آوسترالییا آذربایجان آسوسیاسییالاری بیرلیگی ظفر گونو موناسیبتیله تبریک مئساژی یاییب. بیاناتی اولدوغو کیمی تقدیم ائدیریک:
آوسترالییا آذربایجان آسوسیاسییالاری بیرلیگینین ظفر بایرامی موناسیبتیله تبریک بیاناتی
مظفر آذربایجان اوردوسو ایکینجی قاراباغ محاربه‌سین‌ده مودرن محاربه تاکتیکاسی ایله دونیانین ساواش تاریخین‌ده مومکون اولمایانی مومکون ائدیب و ۳۰ ایله یاخین ایشغال‌دا قالمیش آذربایجان اراضیلرینی قهر‌مان‌لیقلا ایشغالین‌دان آزاد ائتمیش‌دیر.
آوسترالییا آذربایجان آسوسیاسییالاری بیرلیگی اولاراق، ۲۰۲۰-جی ایلده آذربایجانین ۴۴ گونلوک وطن محاربه‌سین‌ده قازاندیغی محتشم ظفرین ایلدؤنومو موناسیبتیله بوتون آذربایجان میللتینی اورک‌دن تبریک ائدیریک!
بو تاریخی گون موناسیبتیله آذربایجانین مظفر پرئزیدئنتی، عالی باش کوماندان ایلهام علیئوه، قهره‌مان آذربایجان اوردوسونا و دونیانین موختلیف اؤلکه‌لرین‌ده یاشایان ۵۵ میلیونلوق آذربایجان خالقینا ان صمیمی تبریکلریمیزی چاتدیریریق.
آذربایجان اوردوسونون گؤستردیگی شجاعت، خالقیمیزین نوماییش ائتدیردیگی همرأی‌لیک و وطنه باغلی‌لیق تاریخیمیزین غروروئریجی صحیفه‌لرین‌دن بیری‌دیر.
آوسترالییادا یاشایان آذربایجان‌لیلار اولاراق، بو تاریخی ظفرین سئوینجینی بؤلوشور، وطن اوغرون‌دا جانین‌دان کئچمیش شهیدلریمیزین عزیز خاطره‌سینی احتیراملا یاد ائدیر، قاضیلریمیزه میننتدارلیغیمیزی بیلدیریریک.
ظفر بایرامیمیز موبارک!
یاشاسین موستقیل آذربایجان!
یاشاسین آذربایجان خالقینین بیرلیگی و همرأی‌لیگی!
آوسترالییا آذربایجان آسوسیاسییالاری بیرلیگی (آاا)
