ادتاج اتحادیه دمکراتیک ترک آذربایجان جنوبی
گادتب: پس از انتقال «عسگر اکبرزاده»، «سیامک میرزایی» و «علی واثقی» به زندان، خانوادههای این سه فعال آزربایجانی موفق شدند با آنان ملاقات کنند. این دیدار که با حضور همسران و فرزندان آنان انجام شد، صحنههایی از دلتنگی، اشک، امید و استقامت را به تصویر کشید. روایت پیشرو، خاطرهای از این ملاقات است؛ روایتی از نگاه کودکانی که با شوق دیدار پدرانشان راهی زندان شدند و در پشت شیشههای سالن ملاقات، معنای دوری، مقاومت و انتظار را تجربه کردند.
«شنبه گونو ایدی. عسگر بی یين ۲۱گون اطلاعات دا توتوقلو قالماسیندان سونرا زیندانا گئتمه خبری بیزی سئویندیردی.
عسگر بی، سیامک و علی بی یین بیر یئرده اولماسی بیزه توختاقلیق وئردی.
او چاغ مهسایا زنگ آچدیم و گؤروشلرینه گئتمک اوچون قرارلاشدیق. لیلا خانیم دان دا دانیشدیقدان سونرا مهسا گیلده توپلاشدیق. داملا آتاسینین آدین ائشیدن کیمی گؤزلرى دولوردو، سئلدا آتاسینین شكلين اؤپوب قوجاغلاماسی و آی سئلین آتا اؤزلمين گؤردويومده اوره ييم سيخيليردى.
“بيزيم آتاميز ايگید دیر”، “وطن ساغ اولسون بیز دؤزه ريك”، “آتام قارتال تكين حاقلاريميزى ساوونوب گله جک” دئمهلری انسانا بؤيوك سئوينج وئريردى.
دوشنبه صبح گئتمه یه حاضیرلاشدیق. من سیامکی بیر هفته اؤنجه ملاقات ائتمه مه راغمن اوره ييم چیرپینیردی. آی سئل، سئلدا و داملانین هیجانلاری، سئوینجلری، گؤزلرينين ايشيلدامالارى، بام باشقا دويغو ايدى.
يول بويو اوشاقلار آتالارين باغرينا باسماق، اونلاری قوجاقلاماق، اونلاردان آیریلمایاجاقلارینی دانیشیردیلار، اوشاقلارا جام داليندان آتالاری ایله گؤروشه جک لری، دئمک چوخ چتین اولدو.
داملا و سئلدانین آتالاری لا گؤروشمهسی هر کسی آغلاتدی. “آتا، کاش بو جامی آچا بیلهیدین، سنی دویونجا قوجاقلاییب اوپردیم، اللرینی توتا بیلردیم. اؤزلهمیشیک، آمما سن گئنه گوجلو قال، اؤزونو داریخدیرما…” دئمهلری اینسانین اورهیینی سیزیلدادیردی. بو سؤزلری دئمکلرینه باخمایاراق، او یاشدا گوجلو دورمایی دا بیلیردیلر.
هر بیریمیز سیامک، عسگر و علی بیدن گؤروشدوک. اونلارین دوروشلاری، گولوشلری گوجوموزه گوج قاتدی. سانیرام هم بیزه، هم اونلارا آجی هم شیرین خاطیره اولدو.
البت بو گونلر ده کئچهجک و اوشاقلار آتالارینین حسرتین چکهرک، وطن حسرتی نهدیر دئیه دوشونهجکلر.»
