ادتاج اتحادیه دمکراتیک ترک آذربایجان جنوبی
گادتب: آوسترالییا آذربایجان آسوسیاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا تورکیهنین سیدنئیدهکی باش کونسولو سایین بلگین خانیم ارگونشه مکتوبلا مراجعت ائدیب.
مکتوبو اولدوغو کیمی تقدیم ائدیریک:
حؤرمتلی باش کونسولوم، بلگین ارگونش،
وظیفهده اولدوغونوز مدت عرضینده سیدنئیدهکی تورک و آذربایجان ایجمالاری، ائله جه ده وطنداش جمعیتی تشکیلاتلاری ایله نوماییش ائتدیردیگینیز ده یرلی امکداشلیق، گؤستردیگینیز یاخین دقت و صمیمی دستهیه گؤره شخصاً اؤز آدیمدان و آوسترالییا آذربایجانلیلاری آسوسیاسییاسی (آاا) آدیندان ان صمیمی تشکورلریمی بیلدیریرم.
وظیفهده اولدوغونوز ایللر عرضینده، خصوصیله تورک درنکلرینین رهبرلری و ایجما تشکیلاتلاریمیز باشدا اولماقلا، بیزیمله قوردوغونوز گوجلو و کونستروکتیو امکداشلیقدان بؤیوک ممنونلوق دویدوق.
تورکییه و آذربایجانین «بیر میللت، ایکی دؤولت» آنلاییشی اساسیندا آوسترالییاداکی تورک و آذربایجان ایجمالاری آراسیندا بیرلیک و همرأیلیین گوجلندیریلمهسی، اورتاق ده یرلریمیزین یاشادیلماسی، ائله جه ده موختلیف سوسیال، مدهنی و میللی تدبیرلرین بیرگه حیاتا کئچیریلمهسی ایستیقامتینده مهم ایشلر گؤردوک.
سیزین ده یرلی تؤحفه و دسته یینیز سایهسینده حیاتا کئچیردییمیز بیرگه فعالیتلرین ایجمالاریمیز اوچون چوخ مثبت و فایدالی نتیجهلر وئردیگینه اینانیرام.
بو پروسئسده گؤستردیگینیز صمیمی موناسیبت، دوستلوق علاقهلریمیز و ده یرلی امکداشلیغینیز بیزیم اوچون هر زامان خصوصی معنا داشییاجاق.
یئنی وظیفهنیزه باشلامانیز موناسیبتیله سیزی اورکدن تبریک ائدیر، بوندان سونراکی فعالیت و چالیشمالارینیزدا ان صمیمی اوغور، جان ساغلیغی و خوشبختلیک آرزولاریمی بیلدیریرم.
یئنی وظیفهنیزده ده اؤلکهمیز، تورکییه-آذربایجان موناسیبتلری و تورک دونیاسی نامینه مهم اوغورلارا ایمضا آتاجاغینیزا اورکدن اینانیرام.
شخصاً اؤز آدیمدان و آوسترالییا آذربایجانلیلاری آسوسیاسییاسی (آاا) آدیندان بو گونه قدر گؤستردیگینیز دیرلی دوستلوق و امکداشلیغا گؤره بیر داها تشکور ائدیر، یئنی وظیفهنیزده سیزه اوغورلار آرزولاییرام.
میکائیل اویتا
آوسترالییا آذربایجانلیلاری آسسوسیاسییاسینین (آاا) پرئزیدئنتی
مکتوبون تورکجه شکلینی تقدیم ائدیریک:
