ادتاج اتحادیه دمکراتیک ترک آذربایجان جنوبی
گادتب: گونئی آذربایجان دئموکراتیک تورک بیرلیگینین (گادتب) اینسان حاقلاری دئپارتامئنتینین صدری سایین سارا خانیم آذرسون تورکیه‌نین سیدنئیده‌کی کونسولو سایین بلگین خانیم ارگونشه مکتوبلا مراجعت ائد‌رک، اونا همین وظیفه‌ده اولدوغو مدت‌ده آذربایجان و تورک ایجمالاری ایله امکداشلیغی و دقتی اوچون تشکورونو بیلدیریب، هم ده اونا گله‌جک فعالیتین‌ده خوش آرزولارینی چاتدیریب.
سایین سارا خانیمین مکتوبونو اولدوغو کیمی تقدیم ائدیریک:
حؤرمتلی باش کونسول بلگین خانیم ارگونش،
آوسترالییاداکی دیپلوماتیک فعالیت مدتینیزی اوغورلا باشا ووراراق اؤلکه‌میزدن و سیدنئی‌دن آیریلمانیز موناسیبتیله، گونئی آذربایجان دئموکراتیک تورک بیرلیگی (گادتب) قادین و اینسان حقوقلاری دئپارتامئنتینین رهبری اولاراق، شخصاً اؤز آدیمدان و تشکیلاتیمیز آدیندان سیزه ان صمیمی تشکورلریمی و خوش آرزولاریمی چاتدیرماق ایستردیم.
آوسترالییادا فعالیت گؤستردیگینیز مدت عرضین‌ده نوماییش ائتدیردیگینیز اوغورلو دیپلوماتیک فعالیت، یوکسک سعیلرینیز و موختلیف ایجمالارلا قوردوغونوز ده یرلی موناسیبتلر، خصوصیله سیدنئی و یئنی جنوبی اوئلس‌ده یاشایان تورکیه و آذربایجان ایجمالاری، ائله‌جه ده تورک دونیاسی جامعه‌سی طرفین‌دن بؤیوک رغبت و تقدیرله قارشیلانمیش‌دیر.
فعالیتینیز مدتینده تورکیه و آذربایجان ایجمالارینا گؤستردیگینیز یاخین دقت، دستک و صمیمی موناسیبتینیز ایکی قارداش اؤلکه آراسینداکی دوستلوق، همرأی‌لیک و امکداشلیغین آوسترالییادا داها دا محکملنمه‌سینه مهم تؤحفه‌لر وئرمیش‌دیر.
بو فورصت‌دن ایستیفاده ائد‌رک، آوسترالییاداکی فعالیتینیز دؤورون‌ده حیاتا کئچیردیگینیز اوغورلو ایشلره و ایجمامیزا وئردیگینیز ده یرلی تؤحفه‌لره گؤره هم شخصاً اؤز آدیمدان، هم ده گادتب آدیندان سیزه اورکدن تشکور ائدیر‌م.
یئنی وظیفه‌نیزده، ائله‌جه ده بون‌دان سونراکی فعالیتینیزده سیزه بؤیوک اوغورلار، محک‌م جان ساغلیغی، خوشبخت‌لیک و فیراوان‌لیق آرزولاییرام. آوسترالییادا قویدوغونوز گؤزل ایزلرین و قوردوغونوز ده یرلی دوستلوقلارین هر زامان خوش خاطره‌لرله یاد ائدیله جه یینه اینانیرام.
یولونوز و بختینیز آچیق اولسون!
حؤرمتله،
سارا آزرسون
گونئی آذربایجان دئموکراتیک تورک بیرلیگی (گادتب)
قادین و اینسان حقوقلاری دئپارتامئنتینین صدری
مکتوبون تورکجه‌سینی اولدوغو کیمی تقدیم ائدیریک:
