GADTB Güney Azərbaycan Demokratik Türk Birliyi
GADTB: G7 xarici işlər nazirləri bu gün İranı Yəmən husilərini silahlandırmağı və dəstəkləməyi dayandırmağa çağırıb və davamlı dəstəyin münaqişənin daha da şiddətlənməsinə səbəb ola biləcək “təhlükəli eskalasiya” təşkil edəcəyi haqda xəbərdarlıq ediblər.
BMT Baş Assambleyası çərçivəsində keçirilən görüşdən sonra yayılan birgə bəyanatda Birləşmiş Krallıq, Kanada, Fransa, Almaniya, İtaliya, Yaponiya və ABŞ xarici işlər nazirləri “İranın qınanmalı addəmlarının təhlükəli eskalasiya modelini təşkil etdiyini və münaqişənin daha da genişlənmə riskini göstərdiyini” bildiriblər. Onlar həm də bu addımları BMT Təhlükəsizlik Şurasının qətnamələrinin pozulması adlandırıblar.
G7 xarici işlər nazirləri Husi üsyançılarının Səudiyyə Ərəbistanına qarşı “qəbuledilməz hücumlarını” ən sərt şəkildə pisləyib və Yəməndəki vəziyyəti “regional və qlobal təhlükəsizliyə, habelə qlobal enerji təhlükəsizliyinə qəbuledilməz təhdid” hesab etdiklərini bildiriblər.
