GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyinin (GADTB) Qadın və İnsan Haqları departamentinin sədri Sara xanım Azərsun Güney Azərbaycanın Təbriz şəhərindən olan və Türkiyədə sığınacaq almağa çalışan azərbaycanlı sənətçi Xosrov Əmirinin departasiya təhlükəsi ilə bağlı yardım çağırışı edib.
Türkiyədə aidiyyəti orqanlara göndərilən yardım çağırışı məktubunda sayın Sara xanım Azərsun yazıb:
Mən sizə insan haqlarının pozulmasına qarşı mübarizə aparan Güney Azərbaycan Demokratik Türk Birliyi (GADTB) adından yazıram. Hazırda Türkiyədən siyasi sığınacaq istəyən Təbrizdə doğulmuş cənab Xosrov Əmirinin vəziyyəti ilə bağlı dərin narahatlığımızı bölüşmək istəyirik.
Türkiyə Köç İdarəsi cənab Əmirini İslam Respublikasına ekstradisiya riski ilə bağlı xəbərdar edib.
Sayın Sara xanım məktubun digər hissəsində isə yazır: Cənab Əmiri Güney Azərbaycanın yüksək profilli fəalıdır və xüsusilə Azərbaycan musiqisinə dərin bağlılığı var. O, maarifpərvər ziyalılığı, Azərbaycan musiqi tarixinə dərindən bələdliyi ilə öz sahəsində görkəmli şəxsiyyətə çevrilib. Cənab Əmiri musiqi sahəsində göstərdiyi səylərdən əlavə, İran hökumətinin İranda azərbaycanlılara qarşı həyata keçirdiyi addımlardan da xəbərdardır.
O, ədalətsizliyə qarşı müdafiəçidir. Fəaliyyətləri və siyasi fəallığı kimi yaradıcılıq səyləri onun İran rejiminin hədəfinə çevrilməsinə səbəb olub.
12 ildən artıqdır ki, Birləşmiş Millətlər Təşkilatında qaçqın olan cənab Əmiri qeyri-müəyyən həll prosesi ilə üzləşib və əhəmiyyətli fiziki və ruhi sıxıntılar yaşayıb. Son hədə-qorxu, 15 gün ərzində deportasiya, onun yaşadığı çətinlikləri əks etdirir.
Sayın Sara xanım Azərsunun məktubunun ingilis və türkcə tam məətnini təqdim edirik:
