GADTB-nin Mətbuat Mərkəzinə daxil olan məlumata görə, Sentyabrın 21-i axşam saatlarında Güney Azərbaycan şəhərləri, o cümlədən Urmiya, Təbriz, Mərənd, Tehran, Zəncan, Ərdəbil, Həmədan, Əbhər, Qəzvin və s. şəhərlərdə Azərbaycan türkləri irqçi və irticaçı fars rejimi və diktaturaya qarşı küçələrə axışıb.
Azərbaycan şəhərlərində azərbaycanlı etirazçılar ” Azadlıq, ədalət, Milli Hökumət”, “Biz ölməyə hazırıq, Babəkin sərbazıyıq”, “durub baxan biqeyrət”, “Azərbaycan var olsun-istəməyən kor olsun və s. şüarlar səsləndiriblər.
İrqçi və irticaçı fars rejimin məmurları Güney Azərbaycan şəhərlərinə xüsusi təyinatlı qüvvələr yeridib və etirazçılarla toqquşma baş verib. Çox sayda yaxalanların olduğu bildirilir.