GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın bir sıra şəhərlərində Telekommunikasiya İdarəsinin bir qrup təqaüdçüsü etirqaz aksiyası keçirib.
Aksiya iştirakçıalrı Təbriz, Ərdəbil, Zəncan və s. şəhərlərdə idarənin binası qarşısına toplaşaraq yaşayış şəraitlərinin çətinliyindən narazılıqlarını bildirib, gecikdirilmiş təqaüdlərinin ödənilməsini istəyiblər.
Qeyd edək ki, Şərqi Azərbaycan əyalətinin Telekommunikasiya Şirkətinin 2700 nəfər təqaüdçüsü var və onların çoxunluğu təqaüdlərinin azlığı ilə yanaşı vaxtında ödənilməməsindən narazıdırlar.
Qeyd edək ki, bundan öncə fevralın 22-də Təbriz, Ərdəbil və s. şəhərlərdə Telekommunikasiya İdarəsinin işçiləri etiraz aksiyası keçirərək gecikdirilmiş əmək haqları, bayram ödənişləri, mükafatlar və digər vaxtı keçmiş tələblərinnin ödənilməməsindən narazılıqlarını bildiriblər.
