GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, “Zəfər Günü”nün birinci ildönümü münasibətilə Güney Azərbaycanın müxtəlif şəhərləri, o cümlədən Təbriz, Urmiya, Ərdəbil, Zəncan və s. şəhərlərində kütləvi şəkildə divar rəsmləri, yazıları və qrafitilər həkk edilib.
Güney Azərbaycan Milli Hərəkatının fəalları Azərbaycanın İkinci Qarabağ Müharibəsində qələbəsinin və “Zəfər Günü” və Şuşa şəhərinin azad edilməsinin ildönümü ilə bağlı Təbriz, Ərdəbil, Zəngan və Urmiya şəhərlərində geniş divar rəsmləri çəkiblər. Qarafitlərdə Xari bülbülün şəkli həkk olunmaqla 2907 Azərbaycan şəhidlərinin sayı həkk edilib.
Qeyd edək ki, Azərbaycan Respublikası ötən il 44 günlük “Vətən Müharibəsi” zamanı Ermənistanın 30 il ərzində işğalda saxladığı ərazilərini azad edib. Müharibə zamanı Arazın cənubunda yaşayan azərbaycanlılar dəfələrlə Arazın şimalındakı azərbaycanlılara və türk ölkələrinin birliyinə öz dəstəklərini göstəriblər.
İran rejimi isə müharibə dövründə və ondan sonra işğalçı və şiələrin qatili Ermənistanı dəstəkləyib.
