GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbriz şəhərində bir qrup azərbaycanlı milli-mədəni fəal mayın 1-də İran rejiminin zindanlarındakı azərbaycanlı siyasi məhbuslar adına aksiya keçiriblər.
Azərbaycanlı milli-mədəni fəallar Təbriz şəhərində aztəminatlı əhalinin yaşadığı məhəllələrində əhali arasında ət yardımı və türkcə kitablar paylayıblar.
Azərbaycanlı fəallar həmçinin əhali ilə ana dilinin əhəmiyyəti və türkcə təhsilin vacibliyi barədə maarifləndirici söhbətlər ediblər.
Eyni zamanda aksiyanı təşkil edən azərbaycanlı fəallar sosial şəbəkələrdə eyni məzmunlu paylaşımlarla türk dilinin öyrənilməsinin zəruriliyi barədə paylaşımlar ediblər.
