GADTB Güney Azərbaycan Demokratik Türk Birliyi
Güney Azərbaycanın Ərdəbil və Urmiya şəhərlərində telekomunikasiya sahəsində çalışmış təqaüdçülər inflyasiya və bahalığın gündən-günə artdığı bir vaxtda müavinətlərinin az olması və tələblərinin hökumət tərəfindən yerinə yetirilməməsinə etiraz olaraq aksiya keçiriblər.
Ərdəbildə etirazçı təqaüdçülər ölkədə korrupsiyanın nəticəsində problemlərlə üzləşdiklərini bildirən şüarlar səsləndiriblər:
“Bir oğurluq faktı azalarsa, problemimiz həll olunar!
İş görməli olan şəxsin yerində bir hərbçi oturub!
Yalançı rəhbər, verdiyin vədlərin nəticəsi hanı?”
Həmçinin Urmiya şəhərində Qərbi Azərbaycan əyalətində rabitə sahəsində çalışmış təqaüdçülər etiraz aksiyası keçiriblər
Etiraz aksiyasına qatılan narazı təqaüdçülər müəvinətlərinin az olmasından şikayətlənərək şüar səsləndiriblər: “Haqqımızı almayınca geri çəkilən deyilik!”
