GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Makı şəhərində idman yarışı zamanı azərbaycanlı tərəfdarlar PJAK terror təşkilatına qarşı şüarlar səsləndiriblər.
Azərbaycanlı tərəfdarlar oyun zamanı “PJAK-a ölüm” və “Azərbaycan” şüarlarını səsləndiriblər. “PJAK” və ya Hayat Azad Kürdistan – Kürdüstan Fəhlə Partiyasının (PKK) İran qolu olaraq, İran, Türkiyə, Amerika Birləşmiş Ştatları və Yaponiya tərəfindən terror təşkilatı kimi tanınan silahlı kürd millətçi partiyasıdır.
Qeyd edək ki, həmin futzal yarışında “PJAK”ın əleyhinə ölüm şüarının səsləndirilməsinin səbəbləri arasında bu partiyanın Güney Azərbaycan şəhərlərinə ərazi iddiası irəli sürməsi və azərbaycanlıları qətliam etməsi ilə bağlıdır.
