GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Qürvədə şəhərində azərbaycanlı fəal həbs olunub.
Azərbaycanlı idmançı və ətraf mühit fəalı Mehdi İrfani şənbə günü, aprelin 26-da İranın ən azı 10 məmurunun onun evinə hücumu ilə həbs edilib.
Mehdi İrfaninin həbsi döyülmə ilə müşayiət olunub və rejimin məmurları onun evində axtarış apardıqdan sonra onun kompüteri, mobil telefonu və kitabları və s. şəxsi əşyalarını müsadirə ediblər.
Hələlik azərbaycanlı gəncin həbsinin səbəbi, ittihamı və saxlanma yeri barədə məlumat verilmir.
