GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən Güney Azərbaycanın Traxtur komandası ilə Mələvanın yarışında milli şüarlar səsləndirilib.
Təbrizin Səhənd stadionunda Urmiya gölünün bərpası tələbilə poster nümayiş etdirilib və milli şüarlar səsləndirilib:
“Azərbaycan var olsun, istəməyən kor olsun!
Urmiya türkdür, türk qalacaq!
Yaşasın Azərbaycan!”
“Türk dilində mədrəsə, olmalıdır hər kəsə!” və s. milli şüarlar səsləndirilib.
Qeyd edək ki, İran Premyer Liqasının 27-ci həftəsinin oyunları çərçivəsində Rıbrizin “Traxtur” futbol komandası ilə Mazandaran əyalətinin Ənzəli şəhərinin “Mələvan” komandası qarşılaşıb.
Qarşılaşma yerli vaxtla saat 17:00-da Təbrizin Yadiqari İmam (Səhənd) stadionunda baş tutub.
Qarşılaşma 3-0 hesabı ilə Təbriz təmsilçisinin xeyrinə başa çatıb.
Bununlada 25 oyunda 58 xal qazanan “Traxtur” komandası turnir cədvəlində liderliyini qoruyub saxlaya, çempionluğa dahada yaxınlaşa bilib.
