GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbriz zindanında həbsdə olan azərbaycanlı milli fəallar Güney Azərbaycanın siyasi məhbuslarının Evin həbsxanasında təkadamlıq kameraya köçürülməsi ilə bağlı bəyanatı yayıblar:
“İnsan ölüm vaxtını bilmir, amma ölüm anında əl-ayağı çırpınır! Bir neçə gün öncə Evin həbsxanasında güneyli vətəndaş cəmiyyəti fəallarının aclıq aksiyası keçirməsi barədə eşitdik. Biz bəyanatda onlarla həmrəylik elan edib və zindan rəhbərliyindən onların problemlərini həll etməsini istədik. Ancaq bu gün məlum oldu ki, fəllar gözlənilməz əməliyyat zamanı Evin zindanında təkadamlıq kameraya köçürülüblər. Biz, Təbriz mərkəzi həbsxanasındakı Güney Azərbaycanın siyasi mübarizləri, onların məhkəmənin açıq keçirilməsini tələb edirik, onlara qarşı irəli sürülən ittihamlara şəffaf və açıq şəkildə baxılması üçün xəbərdarlıq edirik. Kərim İsmayılzadə; Salar Tahirəfşar; Milad Cəlili (Elşən)”.
