GADTB-nin Mətbuat Mərkəzinə daxil olan məlumata görə, Güney Azərbaycanın Urmiya şəhərində azərbaycanlı siyasi məhbuslar, xüsusilə həyatı təhlükədə olan Abbas Lisaniyə azadlıq tələbilə yeni şüarlar yazılıb.
Azərbaycanlı fəallar Urmiya şəhərinin məhəllələrinin divarlarında bu məqsədlə yazıblar:
“Mən də abbas Lisaniyəm
Abbas Lisanini azad edin -Urmiya”
Qeyd edək ki, koronavirusun zindanlarda, xüsusilə Ərdəbil zindanın yayılması və azərbaycanlı siyasi məhbusları, o cümlədən Abbas Lisaninin həyatını təhlükəyə salması və rejimin Abbas bəyin müalicəsinə şərait yaratmaması Güney Azərbaycanda etirazlara səbəb olub. Ona görə də son günlər Güney Azərbaycan şəhərlərinin əksərində milli-mədəni fəallar plakard, broşura, qrafit və divarlara yazılmış şüarlarla azərbaycanlı siyasi məhbuslara azadlıq tələb ediblər.
Hgazırda azərbaycanlı siyasi məhbuslar Abbas Lisani, Lətif Həsəni, Əlirza Fərşi, Əli Vasiqi, Rza Vasiqi, Yusif Kari və s. məhbuslar rejimin zindanında qalmaqdadır.