Həbsdə aclıq aksiyası keçirən azərbaycanlı öyrənci fəal Armita Pavirin həyatı təhlükədə

GADTB-nin Mətbuat Mərkəzinə daxil olan məlumata görə, Təbriz Universitetində keçirilən etiraz aksiyasında molla rejimin məmurlarıın həbs etdiyi azərbaycanlı Armita pavir qeyri-müəyyən şərayitdə saxlanıldığı və təzyiqlərə məruz qaldığı üçün aclıq aksiyasına başlayıb.

Azərbaycanlı xanım fəal qoro aclıq aksiyası etdiyi üçün sağlıq durumu pisləşib və xəstəxanaya yerləşdirilib. Fəalla hər hansı telefon və əlaqə saxlamağa da imkan verilmir. Bu isə ciddi narahatlığa səbəb olub.

Qeyd edək ki, molekulyar hüceyrə biologiyası tələbəsi olan təbrizli Armita Pavir oktyabrın 31-də Universitetin qarşısında həbs edilib.

Fəala qarşı irəli sürülən ittihamlar barədə dəqiq məlumat verilmir.