Həbsdə olan azərbaycanlı fəal zaminə buraxılıb

GADTB-nin Mətbuat Mərkəzinə daxil olan məlumata görə, dünən azərbaycanlı gənc milli fəal Behzad Paşazadə Urmiyanın mərkəzi zindanından 700 milyon tümən girov qarşılığında müvəqqəti azadlığa buraxılıb.

Azərbaycanlı milli fəal mayın 7-də “etnik mənsubiyyəti təhqir etmək” və “ictimai asayişi pozmaq”da günahlandırılaraq şəxsi mağazasında həbs edilib.

Ona qarşı irəli sürülən ittiham barədə məlumat verilməyib.

Həmin gün Urmiyada saxlanılan digər fəal Huşəng Nağızadədən isə hələlik heç bir xəbər yoxdur.

Qeyd edək ki, Behzad Paşazadə bundan əvvədə bir neçə dəfə dinc mədəni fəaliyyətlərinə görə saxlanılıb.

O, 2011-ci ildə Urmu gölünün quruması, 2015-ci ildə isə İran televizyasının “Fitilə” proqramında azərbaycanlıların aşağılanmasına etiraz aksiyalarına qoşulduğu üçün həbs edilib.