GADTB Güney Azərbaycan Demokratik Türk Birliyi
GADTB: İnçəburun Azad Ticarət Zonası yaxınlığında yeni “Alagöl” şəhərinin salınması layihəsinin irəlilədilməsi ilə eyni vaxtda Türkmənsəhrada bir qrup türkmən vətəndaş fəalı “Alagölə yox” adlı kampaniya başladaraq layihənin dərhal dayandırılmasını və yenidən nəzərdən keçirilməsini tələb edib.
2 esfənd 1404 tarixindən başlayan kampaniya ekoloji, mədəni və sosial narahatlıqları əsas gətirərək, 100 mindən çox əhalinin məskunlaşdırılması nəzərdə tutulan yeni şəhərin Türkmənsəhranın tarixi kimliyi və bölgənin təbii resursları üçün ciddi təhlükə olduğunu bildirib.
Kampaniyanı imzalayanlar su böhranına, beynəlxalq əhəmiyyətli Alagöl bataqlığının həssas vəziyyətinə və bölgənin demoqrafik tərkibinin dəyişmə ehtimalına diqqət çəkərək, inkişafın yerli icmaların birbaşa iştirakı ilə və Gümbəd Kavus, Ağqala kimi mövcud şəhərlərin gücləndirilməsi əsasında həyata keçirilməli olduğunu vurğulayıblar.
Bəyanatda qeyd olunub ki, yerli əhalinin rəyi nəzərə alınmadan Türkmənsəhranın gələcəyi ilə bağlı qəbul ediləcək istənilən qərar bərpa olunmaz mədəni və ekoloji nəticələrə səbəb ola bilər. Kampaniya təşkilatçıları vətəndaşları, xüsusilə türklər və türkmənləri layihəyə qarşı çıxmaq üçün kampaniyanı imzalamağa çağırıb.
Məlumata görə, bu kampaniya 27 mordad 1405 tarixinədək davam edəcək.
