GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İnsan Haqları Müdafiəçiləri Mərkəzi BMT-nin İranda İnsan Haqları üzrə xüsusi məruzəçisi Cavid Rəhmana məktub yazıb.
Məktubda tənqidçilərə və dissidentlərə, sənətçilərə və bəhailərə qarşı repressiyaların gücləndirilməsindən, İran zindanlarında orta əsr cəzalarının verilməsindən narahatlıq ifadə olunub, bunlarla bağlı İran hökumətinin cavab verməyə məcbur edilməsi tələb edilib.
“Hökumətin repressiv hərəkətləri elə bir şəraitdə baş verir ki, ölkə və İran xalqı bu günlərdə yoxsulluq, işsizlik, sel və zəlzələ kimi təbii fəlakətlər də daxil olmaqla bir çox problemlərlə üzləşib. Belə bir vəziyyətdə ölkə rəsmiləri tərəfindən nəinki praktiki olaraq heç bir konstruktiv və müsbət addım atılmır, əksinə narazılara qarşı qondarma təhlükəsizlik ittihamları irəli sürülərək vətəndaşların həmrəyliyinə və onların yardımlaşmasına mane olur”-deyə, məktubda vurğulanır.
