GADTB Güney Azərbaycan Demokratik Türk Birliyi
GADTB: İranda rəqəmsal blokadaya baxmayaraq, sosial şəbəkələrdə yayımlanan videolar İsfahan, Məşhəd, Tehranın müxtəlif bölgələri, Yəzd, Fars vilayətinin Lamerd şəhəri, Qum, Rəşt və Fuladşəhrdə etirazçıların küçələrə çıxdığını göstərir.
Məşhəddən yayımlanan və üzərində cümə gününün tarixi oxunan videolarda Vəkilabad bulvarında toplaşan çoxsaylı izdihamın şüarlar səsləndirdiyi görünür.
Görüntülərin Starlink interneti vasitəsilə yayımlandığı ehtimal olunur. Videolarda, cümə axşamı gecəsi olduğu kimi, İran hakimiyyətinə qarşı şüarlar səsləndirilir. Avtomobillərin uzunmüddətli etiraz siqnalları və “Diktatora ölüm” kimi şüarlar eşidilir.
Tehranın Ariyəşəhr, Əndərzqo, Narmək, Punək, Şəriəti kimi bölgələrindən yayımlanan videolarda da oxşar şüarlar səsləndirilir; bəzilərində atəş səslərinin eşidildiyi bildirilir.
Kərəcdən gələn məlumatlara görə, etirazçılar ötən gecə baş verən genişmiqyaslı repressiyalara baxmayaraq yenidən küçələrə çıxıblar və “Bəsici, Sepahi – bizim DAEŞ sizsiniz” şüarını səsləndiriblər.
Bununla belə, cümə axşamı gecəsi ölkənin müxtəlif bölgələrində insanların geniş şəkildə küçələrə çıxmasından sonra tətbiq edilən rəqəmsal blokada səbəbindən İrandakı vəziyyətlə bağlı məlumatlar məhduddur.
Linklər:
