İran Ali Milli Təhlükəsizlik Şurasının katibi erməni həmkarı ilə telefon əlaqəsi saxlayıb

GADTB: Bu gün İranın Ali Milli Təhlükəsizlik Şurasının katibi Əli Laricani Ermənistan Təhlükəsizlik Şurasının katibi Armen Qriqoryanla telefon danışığı aparıb.

Söhbət zamanı Laricani İran-Ermənistan münasibətlərinin Tehran üçün strateji əhəmiyyət daşıdığını vurğulayıb və mövcud sazişlərin icrasının davam etdiriləcəyini bildirib.

Armen Qriqoryan isə Laricanini yeni vəzifəyə təyin olunması münasibətilə təbrik edib və İrəvanla Tehran arasında artıq uğurlu əməkdaşlıq mexanizmlərinin qurulduğunu qeyd edib.

Qeyd olunub ki, telefon danışığında Laricani həmçinin Qriqoryanı İrana işgüzar səfərə dəvət edib.