İran Ermənistanla gömrük və nəqliyyat sahəsində əməkdaşlığı genişləndirir

GADTB-nin Mətbuat Mərkəzinin “Azad İran”a istinadən yaydığı məlumata görə, İran Gömrük İdarəsinin rəisi Mehdi Mirəşrəfi Ermənistanla gömrük əməkdaşlığının inkişafı, eləcə də yüklərin daşınması üçün alternativ yollardan istifadə edilməsi ilə bağlı yaxşı razılaşmaların əldə olunduğunu bildirib.

Beynəlxalq gömrük konfransında iştirak etmək üçün Moskvaya gedən Mirəşrəfi qeyd edib ki, İran beynəlxalq marşrutlarını şaxələndirib ki, heç bir marşrut ölkənin beynəlxalq ticarətinə məhdudiyyətlər yaratmasın: “Bu ayın əvvəlində İranın nəqliyyat və şəhərsalma nazirinin müavini Xeirullah Xademi İran və Ermənistan arasında yeni tranzit marşrutlarının yaradılmasına dair razılıq əldə edildiyini açıqlayıb, çünki iki ölkə Azərbaycan üzərindən ticarət mübadiləsində problemlərlə üzləşib”.

Mirəşrəfi əlavə edib ki, asfaltsız yollarla yanaşı, İranın Xəzər dənizi üzərindən Ro-Ro gəmiləri ilə Azərbaycan, Rusiya, Türkmənistan və Qazaxıstana marşrutları var.

“Yaxın bir ay ərzində Ermənistanda İran yük maşınları üçün alternativ tranzit yolu asfaltlanacaq və Azərbaycandan keçən və bizdən bu ölkədə rüsum ödəməyi tələb edən əvvəlki marşrutdan istifadə etməyə ehtiyac qalmayacaq”, – o bildirib.