Şənbə , İyul 20 2024
azfa

İran Ermənistanla təhlükəsiz əlaqə üçün Təbrizdən yeni yol çəkir

GADTB-nin Mətbuat Mərkəzinə daxil olan məlumata görə, İran Ermənistanla təhlükəsiz əlaqə üçün Təbrizdən yeni yol çəkir. Bu marşrut istismara verilərsə, İranla Ermənistan arasında ən təhlükəsiz əlaqə yolu olacaq

“Fars News” məlumat verir ki, ötən gün Təbrizə səfər edən İran xarici işlər nazirinin iqtisadi diplomatiya üzrə müavini Mehdi Səfəri ilə görüşdə Şərqi Azərbaycan vilayətinin başçısı Abedin Xorrəm deyib: “Prezidentin qonşularla münasibətlərin inkişafına xüsusi diqqət yetirilməsi ilə bağlı göstərişindən sonra Şərqi Azərbaycan vilayəti regional diplomatiya sahəsində çox fəallaşıb və ölkəmizin qonşu dövlətlərdəki səfirləri ilə çoxsaylı görüşlərimiz, məsləhətləşmələrimiz olub”.

Valinin sözlərinə görə, həyata keçirilən səylər nəticəsində Culfa və Norduz sərhədlərində mal mübadiləsi və yük və sərnişin daşınması ötən illə müqayisədə 30 faiz artıb və bu tendensiyanın davam etdirilməsi qonşularla qarşılıqlı fəaliyyətdə prioritet istiqamətlərimizdən biridir.

Təbrizin Vərziğan bölgəsindən Ermənistanla Norduz sərhədinə qədər 80 kilometrlik yolun tikintisinə dair müqavilənin bağlandığını deyən vilayət başçısı habelə qeyd edib: “Bu marşrut istismara verildiyi təqdirdə, ölkəmizlə Ermənistan arasında ən təhlükəsiz əlaqə yolu olacaq. Bunun üçün Süngün Mis Mədəni Şirkəti 1.4 trilyon tümən vəsait ayırıb”.

Görüşdə İran xarici işlər nazirinin iqtisadi diplomatiya üzrə müavini Mehdi Səfəri də ölkəsinin Azərbaycan, Ermənistan və Gürcüstan respublikaları ilə əlaqələri inkişaf etdirmək planları barədə məlumat verib./ Azad İran

Həmçinin yoxlayın

“Human Rights Watch” molla rejimin edama məhkum etdiyi azərbaycanlı işçi fəalı ilə bağlı bəyanat yaydı

GADTB: “Human Rights Watch” Rəşt şəhərinin Lakan həbsxanasında saxlanılan edama məhkum edilmiş azərbaycanlı işçi hərəkatı …

​​ Azərbaycanlı fəalı İrəc Şirzad həbs edilərək zindana salınıb

GADTB: Ərdəbildə Güney Azərbaycan Milli Hərəkatının fəalı İrəc Şirzad həbs edilərək siyasi təqiblərin qurbanına çevrilib. …