İran İsfahanda nüvə obyektlərini möhkəmləndirir

GADTB: İran İsfahanda nüvə və strateji obyektlərinin qorunmasını və genişləndirilməsini davam etdirir. Bununla bağlı, Beynəlxalq Elm və Təhlükəsizlik İnstitutu görüntülər paylaşıb. Peyk görüntülərinə və yerli məlumatlara görə:

• Orta və cənub girişlər torpaqla doldurulub, şimal giriş isə ötən ilin iyun hücumlarından sonra yenidən tikilib və möhkəmləndirilib;

• Torpaq doldurma işləri əlavə qoruma üçün damperli maşınlarla davam etdirilir.

Eyni zamanda, peyk görüntüləri göstərir ki, dağıdılmış binalarda tikinti işləri aparılır. Habelə, Taleqan-2 obyektində beton sarkofaq (qoruyucu struktur) demək olar ki, tamamlanıb, ona hava zərbələrinə qarşı əlavə qoruma verir.

Yaxınlıqda uzun müddət istifadəsiz qalmış hava hücumundan müdafiə obyektində işlər bərpa olunub və iki yeni əlavə hava müdafiə qurğusu yerləşdirilib./ Azad İran