GADTB Güney Azərbaycan Demokratik Türk Birliyi
GADTB-nin Mətbuat Mərkəzinin “Azad İran”a istinadən yaydığı məlumata görə, Erməni siyasi elitası İranın Qarabağ münaqişəsində status-kvonun saxlanmasında maraqlı olduğunu deyir.
“Ermənistan: İranın Avrasiyaya “tramplin” çıxışı: Zəngəzur dəhlizinin Tehran-İrəvan əlaqələrinə təsiri”
İranın “Tahlil Bazaar” saytı yazır:
“İran-Avrasiya Azad Ticarət Zonasının yaradılmasına dair müvəqqəti saziş Avrasiyaya üzv ölkələrə İran bazarına daxil olmaq üçün Mehri Azad İqtisadi Zonasından “tramplin” kimi istifadə etmək imkanları yaradır.
Eyni zamanda nəzərə almaq lazımdır ki, Ermənistanın Azərbaycan və Türkiyə tərəfindən mühasirəyə alınması səbəbindən ABŞ bu ölkəni İranla iqtisadi əlaqələrini dayandırmağa məcbur etməyib və bunu Yerevan üçün zərurət hesab edib. Hətta Amerikanın 2018-ci ilin mayında İranla nüvə sazişindən çıxması da bu balansı dəyişmədi. Ona görə də, Vaşinqton Ermənistana İrandan qaz və ya sement kimi mallar idxal etdiyinə və ya bu ölkəyə elektrik enerjisi ixrac etdiyinə görə heç bir sanksiya tətbiq etməyib.
2020-ci il Qarabağ müharibəsi və onun nəticələri
Ermənistan və İran arasında iqtisadi əlaqələr son 30 ildə nəzərəçarpacaq dərəcədə inkişaf edib. Bununla belə, İran Ermənistanın əsas ticarət tərəfdaşları sırasında deyildi. İkitərəfli münasibətlərdə Ermənistan üçün əsas məqam İranın Qarabağ münaqişəsinə balanslı yanaşması olub.
Erməni siyasi elitası qəti şəkildə inanırdı ki, İran Qarabağda 1994-cü ilin mayında atəşkəsdən sonra yaradılmış status-kvonun saxlanmasında maraqlı idi. Çünki Türkiyə Cənubi Qafqazda İranın rəqiblərindən biridir və Türkiyənin bölgədə hər hansı təsirinin artması İranın həyati maraqlarına ziyan vurur”.
