GADTB-nin Mətbuat Mərkəzinə daxil olan məlumata görə, “Politico” yazıb ki, İran öz ballistik raketləri üçün yanacaq tədarükü ilə bağlı Rusiya və Çinlə gizli danışıqlar aparır.
Sözügedən ballistik raketlərin Ukraynaya qarşı müharibədə istifadə oluna biləcəyi bildirilir.
“Politico”nun verdiyi məlumata görə, İran rəsmiləri Rusiya və Çində raketlər üçün istifadə olunan bərk yanacağın- prexlorat ammonium (AP) əsas tərkibinin hazırlanması üçün kimyəvi maddələrin istehsalçıları ilə danışıqlar aparıblar.
“Politico” tərəfindən rəyi soruşulan diplomatların sözlərinə görə, əgər sövdələşmə baş tutarsa, həmin raketlərdən bəziləri Ukraynaya qarşı da istifadə oluna bilər.
Əgər Tehran, Moskva və Pekin belə bir tədarüklə bağlı razılığa gələrsə, bu, BMT Təhlükəsizlik Şurasının İrana qarşı sanksiyalarının birbaşa pozulması sayılacaq./Azad İran