İran rəsmisi: “Azərbaycanla münasibətlərə yenidən nəzər salınmalı, İranın qırmızı gizgisinə diqqət yetirliməlidi”

GADTB: Dünən İran parlamentinin Milli Təhlükəsizlik və Xarici Siyasət Komissiyası ölkə prezidenti Məsud Pezeşkianla birgə iclasda İranın xarici siyasət prioritetlərini, o cümlədən Azərbaycanla münasibətlərin indiki vəziyyətini müzakirə edib.

Komissiyanın sözçüsü İbrahim Rzayi bildirib ki, görüşdə bəzi qonşu ölkələrlə, xüsusilə də Azərbaycanla münasibətlərin yenidən nəzərdən keçirilməsi zərurəti vurğulanıb. Qeyd olunub ki, “İranın xarici siyasətindəki qırmızı xətlərinə riayət edilməli və bu çərçivədə Azərbaycanla münasibətlər düzgün formada tənzimlənməlidir”.

İclasda qonşu ölkələrlə əlaqələrin təhlükəsizlik və milli maraqlar əsasında qurulması kimi məsələlər də müzakirə olunub.

Komissiya üzvləri İsrailin bölgədəki addımlarına qarşı sərt mövqe və diplomatik reaksiyanın zəruriliyini vurğulayaraq, bu çərçivədə “Azərbaycanla münasibətlərin daha diqqətli və ayıq siyasətlə aparılmalı olduğu bildirilib”./ Azad İran